Rektor Unsyiah: Ci Tanyong Bak Rektor UIN, Na Sertifikat? Pu Karu That
Nasaja Berita - Banda Aceh, Lam padum uroe nyo memang di kawasan Banda Aceh dan Aceh Rayek nyo na panaih sipat sapat. Meunyo di jantho ji phok kaca kanto DPRK bhaih Pleno. Di Darussalam karu bhaih awak Unsyiah ka abeh ji beton keulileng koplema Darussalam. Bahkan na geurbang, nyang awai jih jalan jeut ta lewat, jinoe jibuka jan nyang galak droe, ji top jan nyang mangat teumon bu. Nyan bhaih nyan, karu jih bak pesbuk.
Mulain dari statuih mahasuwa bhaih nyan, alumni pih bhaih nyan, dosen pih nyan, sampe bak Doktor ngon Professor troh bhaih nyan kiraju bak pesbuk. Teuman nyang tuleh bhaih nyan ramee awak UIN. Meunyo awak Unsyiah han that jiteujeut, geuhei le Pak Rektor eunteuk, ka jikoh gaji meunyo dosen. Ka hanjeu wisuda meunyoe mahasuwa. Alumni sagai na padum-padum droe.
Nyang brat lom bak nyan, na saboh geudong asrama mahasiswi UIN Ar-raniry nyang ka tuha saree, jeut ta kheun ka meujen. Nyan dum trep ka teudong, kalinyoe ka na surat dari Rektor Unsyiah yu peukosong seubab nyan keunong jatah tanoh keu Unsyiah. Teuman kon biet ka pangeh teuh. Dari masa Pak Rektor ban amat kuliah kadang ka teudong asrama nyan ateuh nan UIN, lam thon 2019 nyoe ka ateuh nama Unsyiah.
Tapi adak pih gabuk dan karu dum ubee na ureung bak pesbuk atawa bak keude kupi bahaih masalah nyan. Di Rektor Unsyiah, Prof Samsul Rizal seulow keudroegeuh. Lagee hana keujadian sapu.
Watee jitanyong le awak nyoe, santai that jawaban, "Bek neu tanyong bak lon, ci tanyong bak Rektor UIN, na sertifikat hak milek? Soe poe tanoh nyan? Pu karu that tajak meudebat." Kheun rektor Profesor nyan lam bhasa Indoneh, teuman lam bahsa Aceh, meunan baro paih dan meukeunong makna sang.
Kon cuma asrama mahasiswi UIN nyang jeut keu masalah karu. Bahkan na meulasah bak jalan Inong Balee hinan pih akan jigusur, bak akhee buleun Juni eunteuk. Meuna surat ka tersebar, na sit Apa kalon bak pesbuk ata jitandai le awak nyoe dum.
Nyan keuh ban, meunan Apa baca bak Acehsatu ata geupeuek le bang Mustakim.
0 Response to "Rektor Unsyiah: Ci Tanyong Bak Rektor UIN, Na Sertifikat? Pu Karu That"
Post a Comment