Piyoh Seumayang Leuho Bak Seumijid Langsa, Moto Camat Jiphok Kaca Le Pancuri
Nasaja Berita - Langsa, Han ek ta pikee lawet nyo. Keubiet ka lagee kon di Aceh ta baca berita macam keujadian na. Baroe, Rabu tanggai 15/5 moto Pak Camat Kecamatan Rantau Selamat, Aceh Timu, ji phok kaca jendela leu aneuk muda. Abeh ji kuet ubee na asoe moto.
Nan Pak Camat nyan Rudy Syaputra, camat dari kecamatan Rantau Selamat. Teuman kalinyo hana jadeh seulamat Pak Camat. Ka musibah.
Keujadian jih bak seumijid Baiturrahim, Gampong Paya Bujok Seuleumak, Langsa Baro, Kota Langsa.
Meunurot geukalon bak CCTV, na dua droe aneuk muda ji jak ngon Honda Vixion. Bah pih meusen jih Yamaha, teutap honda sit takheun beh. Jadi ji peutoe moto pak camat. Sidroe tron, lansong meunuju parkir moto bareh keudua.
Troh keunan jitakat ju kacamoto. Lheuh nyan jiangkot ju pu-pu nyang leumah bak mata jih barang nyang na lam moto. Teuman bak AJNN nyang geu tuleh le bang Asrul, hana geupeugah sit pu-pu barang. Jadi Apa pih hana meutuleh pu nyang ji cok le pancuri budok nyan. Lheuh nyan ji tarek gaih ju, u arah barat -Banda Aceh-.
Nyang reman jih, padahai daerah nyan leupah ramee ureung bak takira. teuman jiteujeut peulaku sit le pancuri nyan. Dan hana soe kalon pih.
Kadang memang ureung teungoh seumayang, kiban geukalon. Seudangka ureung bak jalan adak pih biasa ramee, meunyoe teungoh cot uroe, pu lom summ leupah na, ukuran crah ulee buya suum beh panee na peurhatian that hoe laen.
Nyang keuh meunan ilee. Di Pak camat baro geuthee lheuh seumayang leuho, watee geujak bak parkir. Hai han mungken pih teungoh seumayang leuho sideh lam seumijid, geuteupu ka jiphok kaca moto geuh. Seubab hana meusidroe lom na ureung nyang pakek kaca spion watee teungoh seumayang, mangat leumah kalon u likot. Nasaja kiraju
0 Response to "Piyoh Seumayang Leuho Bak Seumijid Langsa, Moto Camat Jiphok Kaca Le Pancuri"
Post a Comment