Pancuri Medan, Jibuboh Le Awak Bener Meriah Han Lot Kupiah
Nasaja Berita - Bener Meriah, Jumain awak Medan nyang umu ka 48 thon, uroe Hameh baroesa tanggai 9/5 han lot helm ji buboh le ureung gampong gara-gara ijak cu peng toke kupi. Buet nyang kon-kon buet jipubuet dum. Keunoe u Aceh ijak ceumeucu. That paloe teuh.
Meunurot geucalitra le Pak Kasatreskrim Polres Bener Meriah, Iptu Wijaya Yudi, keujadian jih seukitaran poh seteungoh 12 uroe. Korban, nyakni toke kupi Khaidir Ari umu 41 thon, woe bak bank BRI Redelong jak tarek peng seukitaran 387 juta rupiah.
"Watee geu woe nyan, reudok that awan, jadi gabuk geutron jak kuet kupi di keu rumoh, seugolom ji toh ujeun. Moto meuparkir blah deh jalan. Hana sadar pinto moto hana meugunci. Peng i dalam moto lam ungkoih plastik itam." Calitra Pak Wijaya nyan.
"Hinan keuh ji peutoe honda pancuri budok nyan. Ji peuhah pinto ji cok bungkoh ji baplueng. Teuman alah na aneuk geuh nyang kalon. Ji peugah bak Yah jih. Meu cruh jibalap pancuri nyan. Teuman boh panee na geudong lom. Geupeucrok ju ngon moto." lanjot Pak Kasatreskrim nyan bak geucalitra.
Jadi troh bak saboh teumpat, hana han ji tuho plueng le pancuri nyan, beurteh keudeh u likot rumoh warga. Teuman geureumpok le Toke Khaidir. Beh pane ile, langsong geutarek jurus kunyuk melempar buah. Keureupam-keureumpum ju. Sampe meuteume lah tarek bungkoh peng nyan, sampe teupr'iek keurtaih nyan. Meuhambo peng bak tanoh. Ji plueng lom pancuri nyan.
"Toke Khaidir hana geu peucrok le. Geu kuet peng ilee. Troh u rumoh, geuhitong ka han sep 50. Ka gabuk sigo teuk. Geupakat teuk ureung untuk jak mita si pancuri nyan." Kheun Pak Wijaya nyan bak wartawan.
Hana trep bak geujak mita le ureung gampong, langosng meuteume. Deungon peng 50 bak jaroe pancuri nyan. Lagee haba itu ju. Ji buboh le ureung gampong, han lot helm ji poh. hai neukalon bak poto, hana l hie droe jih di pancuri nyan. Nyan dum gatai jaroe awak buboh pancuri budok nyan.
"Jinoe pancuri nyang dari Langkat, Sumatera Utara nyan ka ta peu aman bak mapolsek Permata untuk jipareksa le peulisi." Kheun Iptu Wijaya Yudi nyan.
Barang bukti, honda Supra nyan ngon gunci T bak jikeurija.
Meunan Apa baca bak Beritakini ata geupeu ek le bang Masrizal sira preh masak bu saho Da Mulah tagun.
0 Response to "Pancuri Medan, Jibuboh Le Awak Bener Meriah Han Lot Kupiah"
Post a Comment