Lheuh Jiparéksa, Peurampok Moto Ibuk Keupala SMP Rupajih Ureung Sakét Jiwa
Nasaja Berita – Lhoksukon, ibuk Nursyidah Mukhtar, nyakni ibuk keupala sikula SMP Darul Fukara nyang jirampok baroesa di teungöh jalan ka geucabôt laporan bak kanto peulisi.
Jadi nyang rampok ibuk keupala sikula nyan baroesa ka jidrop. Teuman sinoe bak nasaja berita hana meuteumè peu ék. Panè na idroeneuh, ka neu tu'oh keudroe geutanyoe lako keu peurumoh asai karap uroe raya. Ka le ju pu suah ta bantu.
Beh ka, kön nyan nyang ta keuneuk calitra. Bèk ji peugah Apa teuga that curhat sinoe lam rawi berita. Han paih sagai. Abéh bucho rahsia Apa deungön Da eunteuk.
Jadi lheuh ji drop le peulisi si peurampok nyan. Thè-thè ka ureung sakét jiwa. Nan jih Zul atawa Legos nyang seuréng ji meuhei lé awak nyo.
Surat cabôt laporan ka seuleuso uroe Rabu (29/5) baroe bak kanto peulisi Polres Aceh Utara. Dan ka geuanggôk lé Kasat Reskrim Aceh Utara, Iptu Rezki Kholiddinsyah, nyang bahwa kasus nyan hana lanjôt lé.
Meunan berita nyang geu peu ék lé Kak Zubaidah nyang mamèh meunawan karap meuhie Da Mulah Apa siangén, sidéh bak Beritakini lam poh Sa malam beuklam.
Meunurôt calitra si Legos sit memang na surat pungo sajan jih ata dari rumoh sakét jiwa. Bahkan awai lam thon 2017 na tom ji kap ôn geulinyung gob, alèh awak meukat pu di Lhokseumawe awai. Nasaja kiraju. Ji piké droejih Tyson si Leher Beton kadang.
Kakeuh, masalah ka seuleusoe. Kalheuh meuduek ngön sabé keuluarga. Lagè nyan kön galak teuh. Asai beujeulaih. Seubeutôi jih keu judul berita nyo Apa keuneuk peugöt "Pu Pap Leumoe, Peurampok Ibuk Keupala Sikula Baroe, Rupajih Ureung Pungo" teuman hana jadèh. Takôt han paih ngön kode etik jurnalistik eunteuk nah. Hana meupu sapu ka jeut keu pu eunteuk. Kön nyoe meunan. Bah pih kön meunan ta kira nyoe ju ilè siat dang-dang nyoe keubiet.
0 Response to "Lheuh Jiparéksa, Peurampok Moto Ibuk Keupala SMP Rupajih Ureung Sakét Jiwa"
Post a Comment