Ka Lom! Baroe Moto Camat. Kalinyo Pengusaha Jakarta, Pistol Sikrak, Peng 150 Juta
Nasaja Berita - Aceh Utara, Nyo ka mulai glie teuh bak ta parkir moto sang. Dum parkir lam seumijid han aman le lawet nyo. Abeh ji phok kaca. Baroe keujadian di Langsa, Camat Rantau Selamat Aceh Utara jeut keu korban, kalinyo pengusaha dari Jakarta ka meuramah troh u Aceh, nibak uroe Hameh tanggai 16/5.
Keujadian saban sit, lam lampoh seumijid bak geupiyoh jak seumyang. Meunyoe Pak camat baroe piyoh seumayang Leuho, nyo awak Jakarta piyoh seumayang Asa. Bacut sagai beda.
Jadi geupiyoh bak seumijid Al Kausar, Gampong Alue Mudem, Lhoksukon. Moto sedan jeuneh Marcedez Benz. Meuhie ju moto ureung kaya, merek mantong, Mercedez Benz, lagee ata luwa nanggroe. Moto ata Pak Azuarsyah Asrak, awak Cibubur, Jakarta. Cibubur nyan, to ngon Cot Kanji atawa Paya Kolak. Alah ma beh teuh, teuingat keu bubor, kanji ngon kolak, gara-gara nan gampong Pak Asrak nyan. Plat moto geuh B 2364 SB.
Jadi meunurot info, 150 Juta peng lam moto hana meuhoe le. Kaca jendela moto jiphok. Na beude pistol lam moto, nyan-nyan meusigo jibaplueng le pancuri.
Pak nyan baro geuteupu lheuh geuseumayang bak seumijid. Meunan geujak bak moto, ka abeh meudireue kaca moto.
Teuman igob nyan beude pistol nyan na idin dari mabes polri. Hai ureung kaya, peurle keu beude kadang. Keu jaga droe dan jaga peng. Nyoe peng ka ji cok, beude ka ji baplueng. Hana cara.
Jipeugah le peulisi, nyoe ka jiseulidiki, jimita pancuri nyan. Meunan Apa baca ata bak AJNN nyang geupeu ek le bang Safrizal.
0 Response to "Ka Lom! Baroe Moto Camat. Kalinyo Pengusaha Jakarta, Pistol Sikrak, Peng 150 Juta"
Post a Comment