Ibuk Keupala Sikula SMP Jirampok, Moto Avanza Jibaplueng
Nasaja Berita - Aceh Utara, That ngeri teuh ka , hayut teuh seubab ka seureng that keujadian lam buleun puasa nyo sit sabee rata sagoe na berita ceumeucu, rampok , jambret, hana ta teupu-teupu pih nan jih dum. Nyo keujadian di kawasan Aron Pirak, Aceh Utara.
Meunurot calitra Kasat Reskrim Polres Aceh Utara, Pak Iptu Rezki Kholiddiansyah keujadia jih seukitaran poh 10 beungoh uroe Hameh tanggai 23 baroesa.
"Moto Avanza deungon nomor Plat BL 441 ZM ata korban ka jirampok". Kheun Pak Rezki.
Ibu Keupala SMP teungoh bak jalan geukeuneuk jak u rumoh sikula SMP Raudhatul Fukara. Bah bak teungoh jalan meu jiseutop geuh teuk le aneuk muda nyang jak ngon honda, lhee jih jak.
"Awak nyan ji dhet ibu keupala nyan, ji tudoh ibuk nyan geupeupok awak nyan, teupeh meunan bak jalan." Calitra Pak Kasat nyan.
Jadi salah sidroe ureung agam nyan, jilakee tamong lam moto, jipaksa, jilakee peu jih nyang mee moto. Ibuk duek di sampeng. Tujuan jih mangat jak meudamee, peu bereh masalah meupok nyang jih meunagku-ngaku nyan. Jilakee jak meureumppok deungon lakoe ibuk.
Jadi geu peukeu ju moto bak teumpat ibuk nyan dinaih, mangat geumeureumpok deungon Abon atawa Tgk Haji Abu Bakar, untuk peuteupat masalah, jeut peudamee.
Bah geuteubiet ibuk geujak kalon Abon. Rupajih Abon hana di teumpat, mena geuteubiet ibuk keupala nyan, meu jibaplueng teuk moto Avanza nyan. Hek geu let ngon honda han meuteume. Nyan ban leubeh kureung calitra dari Pak Rezki nyan bak Beritakini lagee ata geutuleh le Kak Zubaidah.
Jinoe ibuk ka lheuh geu peu ek laporan, tinggai jikeurija peulisi teuk. Hana kureung bak 200 Juta Rupiah rugoe ibuk keupala. Hai yum moto Avanza kon dum nan. Pu lom kadang, sit baro mantong.
Leupah ye teuh lawet nyo. Makajih that beu o ta ba moto lawet nyo. Pu lom hana lom ta bloe. That na teuh kiraju.
0 Response to "Ibuk Keupala Sikula SMP Jirampok, Moto Avanza Jibaplueng"
Post a Comment