Granat di Keu Pendopo Bupati Abdya, Ka ji Peuaman Le Brimob Nagan Raya
Nasaja Berita – Blangpidie, Baroe uroe Lasa tanggai (14/5) na granat sineuk di keu kanto Bupati Aceh Barat Daya, di Blang Pidie. Meunyoe masa karu jameun awak nanggroe kheun bom boh manggeh, awak Indoneh jenis nanas jipeugah.
Keujadian jih sekitaran poh seuteungoh nam kureung bacut atawa 17.20 WIB. Watee ji peuaman, suah top jalan kiraju. Seubab teuduek bom granat nyan di keu Pendopo Bupati, paih bak jalan.
Kapolres Abdya, AKBP Moh Basori SIK peugah, nyan deungon na info na bom sinan, abeh gabuek dum masyarakat di seukitaran nyan. Teuman nyo ka lheuh jipeuaman le brimob. Jadi geuharapkan bek le na nyang panik, resah atawa gundah. Nyan saboh nek ji sit, panik, resah gundah nyan.
"Meunyoe na meuteume barang nyang kira-kira jeut keu syok wasangka, neulapor bak peulisi." Kheun Pak Kapolres nyan.
Seubab deungon keujadian nyo, peulisi ka jiusul bak Bupati, mangat geulhat CCTV sinan bak sagoe pageu, mangat leumah a kalon, pu-pu aleh keujadian teuman ukeu lom. Mangat leubeh aman.
"Kalheuh ta peugah bak Pak Bupati, pat-pat nyan mungken ju, meunyoe jeut geulhat kamera CCTV nyan." Geupeugah le Pak Kapolres.
Nyang ka pasti ilee kon droegeuh Pak Bupati nyang jak lhat kamera. Kon na awak nyoe laen. Tinggai jok peng ie mantong keu buka puasa. Ka bereh.
Pokok jih nyoe jinoe awak peulisi dari Abdya teungoh ji pareksa dan jiseulidek ilee, soe peulaku nyang jak tiek granat nyan keunan di keu pendopo. Dan pu tujuan jih. Nyang ka pasti ilee nyan aneuk granat nyan, ka jiamankan le peulisi dan rencana eunteuk akan ji peubeurtoh bak teumpat nyang aman. Meunan leubeh kureung meuphom haba Pak Kapolres.[]
Apa baca atra nyang kalheuh geutuleh le Masrizan Mizani bak Acehtrend, Apa rawi keulayi lam basa Aceh, kadang na nyang hana meuphom basa Indoneh.
0 Response to "Granat di Keu Pendopo Bupati Abdya, Ka ji Peuaman Le Brimob Nagan Raya"
Post a Comment