Cue Honda Lam Gampông Droe, FA Suah Pajôh Bu Sahô Lam Penjara
Nasaja Berita - Langsa, Abeh gura teuh, honda ureung gampông droe jitém cue di pancuri lawet nyo. Kön keudeh u Medan keudéh jijak ceumeucue. Adak pu-pu aleh hana meudalèh ngon ureung gampông.
FA na umu 31 thôn, awak gampông Cintra Raja, Langsa Timur, jibeureukah le peulisi sidéh bak kawasan neuheun di gampong Cintra Raja, seubab jicu honda Beat ata si Reza Fahlefi, awak saboh gampông.
Ji drop pih bak kawasan neuheun eungkot gampông nyan. Teuman kön biet gura ju. Ji cue honda awak gampông droe, lheuh nyan hana baplueng sahoe lom. Tinggai lam gampông nyan. Ka ji drop. Pu meukarat pèng keu uroe raya, keuneuk publoe honda nyan, atawa keuneuk jak peumeu'en cèwèk ngôn honda barô watee uroe raya lusa. That geup'uep daih kiraju.
Langsong droe pak Kapolsek Langsa Timu nyang jak beureukah si FA bak neuheun.
Geupeugah le Iptu Imran, honda jicok lam rumôh si Reza Fahlafi, teuman aneuk gunci meulhat bak honda, hana ji suet. Jitamong si FA ji baplueng teuk honda. Alah na soe kalön keu saksi, nyang bahwa na ureung peuteubiet honda si Reza dari rumôh.
Meunan trôh laporan bak peulisi, ka jipeugah ciri-ciri kiban hie ureung nyang cok honda. Jikeurija ju peulisi, akhè buet, ka FA nyang keunông beureukah.
Dan hana salah beureukah ureung di peulisi kalinyo. Seubab jeulaih bukti Honda Beat si Reza nyan sinan. Meunan Apa baca bak AJNN ata nyang geutuleh le bang Asrul.
Jinoe FA kakeuh suah sahô ngôn buka puasa bak Polsèk ilèè, dang-dang jipeuleungkap beurkaih untuk ji tiek keudeh u pengadilan. Hana-hana 7 thôn keunông tuntutan penjara. Meunyo jeut kureung paléngan 'oh 4 thon sagai. Leubèh nibak nyan bôh panèè ilèè
Lom pih nah, kiban calitra watèè ka ta teubiet peunjara dan ta woe u gampông lheuh nyan. Nyan hinan hana ta tu'oh meubayang pih. Bak sang suah böh gampong. Laén hana cara bak hie. Nasaja kiraju.
0 Response to "Cue Honda Lam Gampông Droe, FA Suah Pajôh Bu Sahô Lam Penjara"
Post a Comment