Apa Karya: Kön Reutak Mualém Jak Peugah Peukara Referendum
Nasaja Berita – Banda Aceh, Mantan Menhan atawa Meuntroe Peurtahanan GAM awai yôh masa dilè Zakaria Saman atawa Apa Karya ka geumeusue sit lheuh Mualem baroe geupeugah bhaih referendum bak acara haul Wali Neugara Tgk. Muhmmad Hasan di Tiro. Nyang acara nyan jipeugöt bak Amel Convension, Banda Aceh, supôt Seulanyan baroe (27/5)
Rupajih awak Acehtrend seulaku salah saboh media di Aceh, ji tanyông bak Apa Karya seulaku ureung Tuha lam GAM teuntang pakat referendum.
Di Apa Karya kön lagè na ju geujaweub. Hana meutheun meubacut kiraju.
“Bek peugah pu nyang galak. Kön reutak jih jak peugah peukara referendum. Di tubôh GAM mantong na urueng tuha. Mantöng na Malek Mahmud, mantöng na Doto Zaini, mantöng na Zakaria Saman," Pokokjih Apa Karya han tuwö keu droe keu droe. Nasaja kiraju.
Nyang meukeusud Apa Karya kön keu hana seutuju ngôn haba Mualem. Tapi meunyo lam tubih GAM atawa KPA. Na ureung tuha nyang leubèh harus ta peutuha.
“Geutanyoe Aceh bèk lagèe asèè pök geureupôh, jumoh teuh kasép lhue boh itek gob nyang pajôh,” watè geu antôk basa Apa Karya, ukuran hana pat meu takalön kamus pih untuk ta jeulaihkan keu aneuk muda.
Meukeusud Apa nyan supaya bèk sampé jak blôh lam masalah gob. Jinoe Aceh mantöng aman dan damè jadi beu seulow. Awak Indoneh sideh di pusat teungôh karu sabé droe bhah pilpres.
Meunyo na nyang hana lom baca Mualem Lakèè referendum, sinoe neu cukeh.
Meunyo na nyang hana lom baca Mualem Lakèè referendum, sinoe neu cukeh.
“Bék bagah that anggôk pu nyang gop peugah. Breuh tan meupat lam eumpang, ka tajak tajoe lam piasan gob. Sibutôijih ulôn hana that lôn pakoe ata meunan. Lôn anggap ju ka jawai. Tapi lôn peugah nyoe nak bek teugrop rakyat.” kheun Apa Karia.
Mualem geuwacanakan Referendum nyan seubab seubab meunurôt Mualem, neugara Indoneh nyo ka brat that hana jeulaih lé. Tapi lam pandangan Apa Karya seulaku ureung tuha, han geubrie karat keunan. Han geubrie mita karu. Pu lom jinoe hana meureumpök momen nyang paih lagè masa dilè. Meunan Apa baca bak Acehtrend, leubèh kureung, ata jituléh lé Muhajir Juli.
0 Response to "Apa Karya: Kön Reutak Mualém Jak Peugah Peukara Referendum"
Post a Comment