Ancaman Hukuman Matee, Hana Jadeh Meuuroe Raya Gara-Gara 300 Kilo Ganja

Nasaja Berita - Jakarta, Uroe makmeugang baroesa tanggai 5/5 jibeureukah 300 kilo Ganja dari Aceh le awak BNN sideh di Pulo Jawa. Meunurot info nyan ganja dari Nenggroe geutanyoe, Aceh nyang mulia. Keu nanggroe mulia, teuman keu ureung kon hana teunte lom.

Teuman carong awak peu som ganja nyan, lam moo boks ji keubah, ji peuduek lam kawan eumpang guni B3, Bahan Berbahaya dan Beracun. Jadi hana soe teujeut cukeh keunan.  Lom pih hana ek jiteubee le awak pareksa. Sang meu asee han ek jiteubee seubab ka meujampu ngon bee pu laen. Alah kon sajan B2, jadeh suah ta samak ganja kiraju.

Teuman adak carong that awak peumeusom, leubeh carong lom awak BNN rupajih. Hana ji teume jak peureumeun B3 kiraju, ji rampot saja. Keubiet nyo, meunan jiteume ka ganja. Hana cilet-cilet 300 kilo. Bek 'an ganja, meu saka dumnan pih kaya teuh, pu lom ganja. Ijo kaya teuh kiraju.

Lhee droe jibeureukah, inisial sagai jipeuugah, nan aseuli hana jipeugah abeh le awak BNN nyan. DH, M dan J. Aleh kiban inisial, han meutatu'oh pih. Kakeuh meunan.

Rencana si DH nyo jikeuneuk tulak barang bak M. Keujadian jih di keu penginapan di Cilegon, hana Apa tupat sit, Cilegon nyan, sang troh simpang Tungkop weut uwie.

Ganja nyan rencana jih keuneuk tulak u Banten, sideh keuneuk meukat. Teuman ka awai jireupah le awak BBN. Jangankan ganja, droe-droeteuh ka han meuteume meu uroe raya,

Meunurot jipeugah na kemungkinan hukuman mati atawa seumur hidup keu awak nyan. Teuman kon hana cara, jeh uroe raya di keu, bajee baro keu aneuk miet hana lom ta bloe. Pu hana teuingat keunan watee seugolom ji ba. Alah ma beh. Nasaja kiraju.

Pasal 114 ayat (2) Junto Pasal 132 ayat (1) dan Pasal 111 ayat (2) Junto Pasal 132 ayat (1) Undang-undang Nomor 35 Tahun 2009 tentang Narkotika. Nyan Apa kopi keunoe pasal kadang hawa neu teupu. Meunyo keu meuphom sit tan.

Nyan berita ata bak AJNN nyang geucok dari Detik le redaksi.

Share this post