4 Droe Supe Moto Geureubak Ji Beureukah Le WH Bak Komplek Cunda Plaza
Nasaja Berita – Lhokseumawe, Macam bagoe dum keujadian lam buleun puasa neukiraju. Nyan ban di Lhokseumawe, ureung ka rayek tapi hana puasa. Pajoh bu cöt uroe bak Cunda Plaza. Teuman kön ka peurseh lagee aneuk miet nyang golom geukoh boh lolo. Puasa sikhan uroe meunan.
Jadi Apa baca bak Beritakini nyang bahwa di seukitaran Lhokseumawe na 4 droe rakan syedara teuh bansa Aceh nyang ji drop le WH gara-gara hana puasa dan ji pajoh bu bungkoh. Bak uroe Rabu tanggai 8/5 baroe.
Awak Lhokseumawe na, na Aceh Utara na, awak Bireuen pih na. Na sidroe sapat keunan ijak meusapat. That meutuwah keubiet dum syedara Apa lawet nyoe. Lam paoh ta peusunat si gö treuk mangat ji teupu wajeb puasa sampoe 'an ji meusu tambo watee mugreb.
Meunurot eupeugah le Komandal Satpol Pp dan WH, Kota Lhokseumawe, Pak Irsyadi, alasan awak nyan hana puasa seubab hek that jeut keu supe moto geureubak. Nasaja kiraju.
Bak teumpat keujadian jibeureukah le WH nyan na jiteume barangbukti rukok meupadum boh bungkoh, dan juga peukakaih untuk seumajoh (kadang canca, pingan, dan macam-macam laen).
Alahai teuh, nyan gara-gara ji drop awak nyan, ureung nyang meukat makanan dan publo rukok keu awak nyan na can meuramah neukiraju.
Teuman 4 droe nyan hana ji brie hukoman nyang kiban-kiban. Tapi cuma ji peuingat bacut sapoe. Jigeureutak ka pasti na, ji peukhem sit ka biasa. Kön abeh ji peuulok le awak WH dum meunyo ka dum nan umu hana puasa, atawa puasa sikhan uroe. Keubiet sang payah ta koh boh sigö teuk, bek talo ngön aneuk miet nyang goh peusunat lom.
0 Response to "4 Droe Supe Moto Geureubak Ji Beureukah Le WH Bak Komplek Cunda Plaza"
Post a Comment