Ayah Bukhari: Kesepakatan Nyan Kön Cuma Ngön Prabowo, Jokowi Pih Na
Nasaja Berita – Banda Aceh, Seulaen daripada Abu Tumin Blang Blahdeh, Ulama laen nyang brat that geusesalkan teukaet berita ulama tandatangan dukong Prabowo Sandi nakeuh Waled atawa Ayah Bukhari Hasan di Aceh Timu.
Ayah Bukhari salah sidroe ulama kharismatik, dan juga mantan Ketua MPU Aceh Timu. Ayah nakeuh pimpinan dayah Asasul Islami. Meunyoe Apa hana salah, Ayah Peureulak atawa Ayah Leuge nan laqab beliau. Meunyoe salah lam bagian nan, kakeuh salah Apa.
Bak korankita.info, bak kabarbandaaceh, na sit Apa baca Ayah hana seunang geukalön berita teuntang tanda tangan nota kesepahaman Ulama Aceh deungön Prabowo Sandi nyan jimaknai seubagai bentuk dukongan dalam pencalonan.
Haba Ayah Peureulak saban lage haba Abu Tumin di Blang Blahdeh. Nyang bahwa nyan adalah harapan ulama dan masyarakat Aceh meunyoe Prabowo Sandi meunang.
"Nyan kön bentuk dukungan keupada calon, tapi kesepakatan meunyoe ureung nyan teupileh dan meunang. Kön cuma ngön Prabowo, tapi ngön bandua calon (Jokowi lom)." Geutamah le Ayah.
"Meunyoe ngön Prabowo pakek surat ta tanda tangan. Teuman ngön Jokowi ka ta sampaikan watee ulama Aceh jak bak Istana buleun ka leupah." Sambong Ayah.
Nyan keuh lagee nyan peulitek ulama. Kön hayeu ju keudeh. Sabee geupeujuang syari'at Islam. Geupeugöt perjanjian ngön mandua pihak. Soe nyang meunang, keu Aceh punoh syari'at Islam.
Teuman di ureung geutanyoe nyang dok lam peulitek lagee haba nyan ju. Hoe nyang untong mandum geu boh makna lagee h'eut droe. Nan-nan ulama roh ta peubloe. Beuleuheun that. Lagee statuih pesbuk Apa beuklam ju.
Pileh beurangkari ju, asai meukeunöng neu top beu timang. Bek sampe meutop ureung, gamba ureung ek keu calon neu top. Bek gamba bak jalan. Gamba bak keurtah suara lam TPS beh. Bek salah-salah. Han sah eunteuk ka karu. Nasaja kiraju.
0 Response to "Ayah Bukhari: Kesepakatan Nyan Kön Cuma Ngön Prabowo, Jokowi Pih Na"
Post a Comment