That Meutuwah! Di Lhokseumawe Ureung Mita Seudeukah Sedan Vios Geu ek

Nasaja Berita – Lhokseumawe, Hana ta sangka neukiraju ureung lawet nyoe. Macam model na bak mita peng. Bunoe uroe Hameh (4/4) di Lhokseumawe keujadian leupah parah neukiraju. Awak mita seudeukah, moto ji ek. Di geutanyoe nyang brie seudeukah honda kredit hana abeh ta top lom. That geu p'uep daih.

Aneuk muda mantöng hie. Jadi bunoe na nyang peuleumah bak Apa ata lam hape, bak keude kupi. Teukeujöt teuh, alah pih hana roh Apa ceumarot, seubab Apa hana biasa ceumarot. Roh meukheun, ka pangeh sagai. Teuman kön kön ceumarot nyan. Neukira kön ju keudeh.

Moto pih moto lagak ji ek, sedan Vios, plat B lom. Ata Jakarta, Apa meu plat BL han ek meubloe lom. Cut Bang nyan geusok bajee mirah, keunöng kupiah, taih saboh geulhat bak baho. Teuman leumah lam video nyan jaroe meuhie kureung paih siangen, hana ta teupu pu keunöng, seubab hana seumpat geutanyöng le ureung rekam, ka awai geubalap.

Lam rekaman video paneuk nyan, cuma 23 detik sagaiji tanyöng le awak rekam, "Bapak, uangnya untuk Apa Pak?" Hai peng pu hoe ta ba, ta peuabeh. That na teuh di ureung tanyöng neukiraju.

Ji jaweub, "Oo bak ka rekam lon, Apa." That pangeh teuh meudaleh keu Apa. Padahai kön Apa nyang rekam, keupu ji tham Apa. Apa urusan peu ek berita sagai. Na can Apa peubucho bhan moto jih. Ji jak peudaleh Apa kiraju.

Lheuh nyan dijaweub lom le awak rekam, kalinyoe lam bahsa Aceh gaya Lhokseumawe, "Masak roeneuh ek moto kiban cara le. Heh? Neu mita peng seudeukah neu ek moto nyoh? Ee. Nyan plat moto Jakarta lom. Makasih Pak beh, singöh jak lom, lake lom. Ee." Nyan neubaca lam gaya bahsa Aceh Lhokseumawe mangat meu'oh ban.Nasaja kiraju.

Meunyoe hawa keuneuk nonton Video, sinoe neu Klik

Keujadian dikeu SDN2 Lhokseumawe. Alah hana ji jeungeuk röt jendela moto, jikheun le awak mita seudeukah nyan, "Apa urusan ke, emang ke kepala sekolah disini." Meunyoe ji kheun meunan, alamat geu rhom hape-hape sang le Bang nyang reukam nyan. Nasaja di awak tanyoe atee neuh.

Share this post