Ka Jisegel Kanto Gubernur Buet Mahasiswa
Nasaja Berita - Banda Aceh, Bunoe uroe ka ji demo lom kanto Gubernur le mahasiswa. Bunoe na padum-padum boh universitas nyang ikot demo.
Sampe-sampe bunoe ka suah jisegel kanto gubernur di Banda Aceh le mahasiswa, gara-gara pak Nova seulaku Plt. Gubernur Aceh hana geuteubiet jak meureumpok aneuk mahasiswa nyang teungoh demo.
That reman-reman mahasiswa. Han meuubah akai ngon buet nyan neukiraju. Dari jameun, asai ji tron mahasiswa ijak demo teutap hayeu ju. Jameun Apa na sit tom meujak demo, teuman aleh bhaih pu hana teuingat le.
Demo kalinyoe mantong lagee bahaih baroesa. Mahasiswa ijak tuntut pemerintah Aceh untuk jok rekomendasi keu pemerintah pusat supaya izin perusahaan Emas Mineral Murni atawa PT. EMM nyang na di Nagan Raya geucabot. Bek brie izin keu PT nyan sinan.
"Kamoe akan meu eh hinoe meunyoe pak Plt. Gubernur hana geuteubiet meureumpok kamoe". Kheun mahasiswa.
Teuman lagee haba itu, Gubernur sang hana di kanto. Meunurot info dari awak Humas, pak Plt. teungoh di luwa kota Banda Aceh. Pat hana geupeugah. Meunyoe luwa kota Banda Aceh, adak Lambaro nyan ka geukira luwa kota sit.
Nasaja kiraju. Ta kalon eunteuk malam, pu na ji glong tenda di keu kanto Gubernur. Bah Apa ba kupi-kupi ngon kacang reuboh meu siploh ribee keu awak nyoe.
0 Response to "Ka Jisegel Kanto Gubernur Buet Mahasiswa"
Post a Comment