Ji Thee Meu Aceh, Haekal Afifa Piyoh Dari Samawi dan Golput, Saweub Izin PT.EMM
Nasaja Berita - Banda Aceh, Nyoe brat meuagam dan brat meu Aceh. Haekal Afifa sit jithee meunyoe urusan keacehan neukiraju. Awak peumeusyeuhu Tiroisme. Peugot sikula nyang non formal Institute Peradaban Aceh untuk kaji kiban pemikiran almarhom Wali Neugara Hasan di Tiro, nyang ta meudo'a bak Poe beuluwah kubu, insyaAllah.
Haekal seulama na Apa kalon-kalon bak komen ji meuhoi cuco wali, seubab meu HasanTiro siangen meunan meunyoe pike keu Aceh. Haekal pun baroesa seumpat tenar lom deungon Samawi Aceh, Solidaritas Ulama Muda dukung Jokowi. Seubab Haekal nyang jeut keu Korwil Aceh, seudangkan Nasional na sit aneuk Aceh, Munawar Khalil bagian dari pendiri Samawi.
Meuseubab deungon troh berita bunoe nyang bahwa pengadilan tata usaha neugara Indoneh atawa PTUN jitulak gugatan WALHI teuhadap PT.EMM atawa PT. Emas MUrni Mineral. Nyang keuh izin PT nyan nyang ji demo le mahasiswa Aceh ka lam padum minggu nyoe. Nyang brat lam 3 uroe nyoe, meuribee mahasiwa neukiraju.
Seulaen jiundur diri dari Samawi, Haekal ji nyatakan nyang bahwa, partai nasional teurutama that Demokrat, Nasdem dan PDI P nyan akan geuboikot, lam areuti han akan geupileh sama sekali. Seubab memang logika jih, Plt. Gubernur jinoe Nova Iriansyah dari Demokrat, seudangkan saham nyang paleng rayek bak PT nyan ata ureung dari Partai Nasdem ngon PDIP.
Lam statuih pesbuk na sit i tuleh le Haekal, akan golput kalinyoe. Keu-keu Presiden hana pileh. Apa keuneuk tanyong bak statuih hana mangat, meunoe Apa keuneuk tanyoeng, "Meunyoe Jokowi tham dan cabot izin PT nyan, pu ta kampanye untuk pileh Jokowi?" Teuman hana jadeh, hana mangat sagai. That na teuh.
Nyan nyang paleng logis meunurot Haekal, seubab jeulaih that hubungan jih. Meunan lah leubeh kureung meuphom statuih Haekal Afifa.
Bak Apa pike-pike, sang nyoe beh, mantong sang. Salah saboh cara tulak PT nyan sang memang lagee nyan, seulaen ta demo, ta desak Plt. Gubernur. Seubab sit awak nyan nyang meupeungaroh dan cok keuputusan. Maka ta yu geureutok punggong ju ilee siat. Teuman aleh ek nyoe ngon kon pih hom. Tapi sang kon sit. Alah hom hai. Nasaja kiraju.
Apa baca phon bak korankita.info, lheun nyan baro meukalon bak pesbuk Haekal Afifa.
0 Response to "Ji Thee Meu Aceh, Haekal Afifa Piyoh Dari Samawi dan Golput, Saweub Izin PT.EMM"
Post a Comment