Hasee Muktamar, Teungku Marbawi Yusuf Keu Rais 'Am PB Rabithah Thaliban Aceh
Nasaja Berita - Banda Aceh, PB Rabithah Thaliban Aceh kalinyoe ka na ketua atawa Rais 'Am baro. Lheuh acara pileh keutua baro bak muktamar PB RTA, cuma dua droe calon rais nyang jadeh. Lumboi 1 Teungku Marbawi Yusuf, lumboi 2 Teungku Ismail Husein.
Mandua ureung nyan kon ureung baro lam RTA. Lagee Teungku Marbawi, seugolom jih geujabat keu Sekjen PB RTA, seudangkan Teungku Ismail Ketua RTA Banda Aceh.
Teungku Bawi meureumpok 19 neuk suara, seudangkan Teungku Ismail 4 neuk suara. Meunurot info dari ureung dalam nyang na peugah bak Apa, watee pemilihan, teukhem-khem lagee biasa.
"Kamoe sabe-sabe Teungku beh panee na karu-karu teuman lam pemilihan." Nyan ban kheun intelijen Baghdad nyang lapor bak Apa.
Nyoe berita dan info Apa teume dari Inteijen Baghdad. Meunyoe saalah info, kakeuh salah intel. Nyang bek salah Apa mantong, ka abeh urusan. Meunyoe poto ata bak pesbuk Akhi Al Qarni اخى القرن teuman tulesan lam bahasa Arab, hana Apa tu'oh tuleh sinoe. O ka jeut hai, ata meu kupi paste. Bek eunteuk ka ji peugah Apa cok poto hana tuleh sumber. Ka dawa. Asai ka dawa biasa ka karu, meunyoe ka karu, ka suwah bayeu kupi mangat bek karu le. Nasaja kiraju.
0 Response to "Hasee Muktamar, Teungku Marbawi Yusuf Keu Rais 'Am PB Rabithah Thaliban Aceh"
Post a Comment