Hana Meusoe Peulaku dan Hana Karu, Kasus "Surat Suara Tercoblos" Ka Jiseutop
Nasaja Berita - Lhokseumawe, Baroesa watee ban-ban lheuh uroe jak coblos keurtah suara caleg ngon presiden Indoneh kon na info ta deungo na meupadum ploh on eurtah suara di Aceh Utara ka awai meucoblos. Lheuh ji tron awak Panwaslih dan Tim Gakkumudu atawa Tim Penegakan Hukum Terpadu, ji cok keusimpulan, hana le jiusut atawa ka jiseutop. Keujadian jih bak TPS 06, Gampong Jamuan, Kecamatan Banda Baro, Aceh Utara, nibak uroe Seulanyan (25/4).
Tapi sang tanggai 25/4 uroe Hameh, pakon roh Seulanyan meutuleh, kadang salah tuleh bak berita nyan. Apa peu ek lagee meutuleh hinan ju. Mangat bek meudaleh-daleh.
Beh bek ile, lagak that nan lagoe tim nyan, gakkumudu, ka lagee pu keudeh nah. Nasaja kiraju.
Jikheun nan Gakkumudu seubab anggota lam tim nyan na awak polres, na awak panwaslih dan na sit dari kejaksaan. Jadi ka meusapat awak nyan mandum, khusus keu masalah Pemilu.
Geupeugah le Safwani, awak Bawaslu, nyan kasus nyan ka geuseutop seubab hana meusoe soe peulaku.
"Keusimpulan kamoe cok agar kasus nyan ta seutop, kaeuna dua boh alasan. Nyang keuphon, hana pihak nyang laporkan kerugian. Nyang keudua, hana karu watee masa coblos dan lheuh coblos." Nyan ba kheun Safwani.
Leubeh nibak nyan geupeugah lom nyang "Seulaen daripada nyan, watee pih singkat that untuk tajak mita peulaku jih. Jadi syarat formil jih hana seip untuk ta tindak lanjuti."
Nyan keuh meunan hukom bak tanyoe neukiraju. Asai hana nyang lapor na nyang rugo, peulaku ju ban nyang galak. Han ji drop teuh. Bah pih ka meusapat sinan awak polres, jaksa ngon panwaslih. Hana meudaleh pih kiraju. Di keu mata teuh kecurangan, gadoh ta ek ok sideh di Jakarta. That geu p'uep daih kiraju.
Teuman hanjeut ta kheun sapu, asai bek karu mantong ilee ka meumada. Meunan Apa baca bak Ajnn ata geutuleh le bang Safrizal.
0 Response to "Hana Meusoe Peulaku dan Hana Karu, Kasus "Surat Suara Tercoblos" Ka Jiseutop"
Post a Comment