Hakim Kalheuh Vonis Ahmadi, Abuya Syarkawi Duek Keu Bupati
Nasaja Berita – Bener Meriah, Uroe nyo ureung Bener Meriah ka na bupati baro, lheuh jidrop Pak Ahmadi le awak KPK akhee thon nyang ka leupah. Padahai Pak Ahmadi meusithon goh geuduk lom, ka maw'ot geuh ji beureukah le KPK dan ka ji thok palee le hakim di Jakarta, aleh padum thon. Hana teuingat Apa, seugitu sahoe ngön Bang Wandi sit.
Nyang jeut keu Bupati kalinyoe Abuya Syarkawi. Seugolom jih, Abuya Syarkawi duek keu Plt, seulama Pak Ahmadi lam pemeriksaan di Jakarta. Seugolom Pak Ahmadi jidrop le KPK, Abuya duek keu Waki pak Ahmadi. Nyan ban rawi, kiban ka meupat? Meunyoe hana lom, baca ulang keulayi. Nasaja kiraju, troh keunan suah ta peuteupat.
Abuya Syarkawi geulantik le Pak Nova Iriansyah seulaku Plt Gubernur nyang ganto bang Wandi nyang ka jithok pale le hakim, 7 thon. Teuman aleh pajan pih Pak Nova jilantik keu Gubernur le Mentri Dalam Negeri Indoneh nyan pih hana jaduwal lom. Seugolom jih Pak Nova waki Bang Wandi. Ka paih kiraju.
Abuya Syarkawi bunoe uroe Lasa (30/4) jilantik le Nova nibak sidang paripurna DPRK Bener Meriah. Sang ramee nyang hadir anggota DPRK, seubab sidang paripurna dan ka lheuh pemilu, bah pih hana meudum lom padum jumlah suara.
Lam kata sambutan, Abuya Syarkawi geupeugah teutap akan geulanjutkan program lagee phon meupakat deungön pak Ahmadi watee phon meu ek dua-dua.
Teuman nyoe ka tinggai sidroe. Nyoe kön but mudah, maka ta lakee bantuan bak mandum pihak supaya neutulong long kalinyoe, untuk ta peutimang Bener Meriah beupaih lagee ban cita. Meunan lah leubeh kureung makna sikrak haba Pak bupati nyang baro. Meunyo keu leubeh lengkap haba Abuya Syarkawi ci neu lop www.mercinews.com. Nyan hana Apa tusoe soe poe jih. Nyan inti jih sinan Apa cok berita nyoe.
Bak nasajaberita jeulaih sumber, hana sulet neukiraju. Bek neuragu, seubab Apa ureung seumateh meutuwah, dari manyak sampe 'an ka na aneuk manyak. Nyankeuh ban
0 Response to "Hakim Kalheuh Vonis Ahmadi, Abuya Syarkawi Duek Keu Bupati"
Post a Comment