50 Droe Meutimphan Pingsan Ureung Bak Kampanye Jokowi di Batam

Nasaja Berita – Batam, baroe uroe Sabtu (6/4) Presiden seukaligus Calon Presiden awak Indoneh, Joko Widodo atawa biasa ji meuhöi Jokowi jatah kampanye di Batam. Na neu tupat pat Batam nyan? Meunyoe dari arah Darussalam, jak teupat, troh u Tungkop wet uneun. Meunyoe kön, kakeuh suah kalön bak gugel, mangat meupat. Nasaja teuh, Batam ek hana neutupat, ka lagee ureung tuha masa Belanda uroe jeh.

Kampanye Jokowi di Batam ji peuduk bak stadion Temenggung Abdul Jamal. Jokowi troh bak teumpat poh 2 kureung siangen. Cöt uroe timang, ukuran lheuh seumayang leuho lah. Pu keuh na seumayang atawa hana nyan laen calitra. Nyang intijih, poh dumnan nyan, ka geukira lheuh leuhoe.

Seubab suum that uroe, seugolom geu orasi peulitek ka na nyang pingsan leubeh 20 droe. Jadi pah watee geuorasi le Jokowi, langsong geukheun, "Ci beu tertib, bek meutulak-tulak. Satnyoe haba troh bak lon ka 20 droe leubeh ka pingsan." Nyan ban kheun Jokowi bak massa.

Watee teungöh geu orasi na geupeuingat lom, "Nyan ka 30 droe leubeh ka pingsan, bek meusak-sak that. Peuleuheun that."

Sampe abeh geuorasi le Pak Jokowi, na meu 50 droe urueng meutimphan pingsan bak acara kampanye nyan. "Nyan bek sampe meutamah le, ka 50 leubeh ka pingsan, beh?" Nyan ban geu top orasi peulitek le Jokowi di Batam nyan. Meunan Apa baca bak merdeka.com. Meunyoe keu poto Apa cok bak inseutagram @Jokowi langsong.

That na teuh neukiraju. Memang leupah ramee ureung jak bak acara kampanye nyan neukiraju. Meusak-sak lheuh, han keumah. Meunyoe Apa, bak meukalön dumnan jai ureung mantöng ka awai reubah bak döng neukiraju.

Sang biet keuh ramee that seubab na penampilan awak grup band. Na Jamrud. Na lagoe lagu awak Jamrud saboh, nyang Apa teuingat that, lagu jih meureumpök cewek bak apotek, sampe jak u laot, meugule-gule meunan. Alah ma beh teuh. Ka meutamah le abeh paket teuh, suah buka youtube, ta mita lagu nyan. Nasaja, göt that na teuh.

Share this post