That Bereh Lagoe, Waki Sekjen Partai Demokrat Ka Ji Beureukah Gara-Gara Narkoba
Nasaja Berita – Jakarta, That gawat rupajih, Apa pike nyang muek saka mabok tok Apa Cham nyang bandet-bandet dum. Rupajih sampe troh bak awak peulitek ji p'iep sabee. That teuboh kiraju. Ta peujok keuh hukom ngon aturan nanggroe bak awak nyan. Han ek tapike.
Apa baca bak Tempo bunoe karap watee seumayang asa. Rupajih Waki Sekretaris Jendral Partai Demokrat Andi Arief ka ji drop le peulisi di Jakarta, gara-gara ji p'iep sabu-sabu. Meunurot ji tuleh sinan, ji teume bong sabu-sabu lam kloset WC. Nyan lheuh ji phok kloset le peulisi ngon awak hotel. That geu p'uep daih, lam WC ji h'uep sabu-sabu kiraju.
Andi Arief ji drop bak kama hotel di Jakarta beuklam malam Seulanyan, tanggai 3/2, na cewek lom sidroe. Aleh pu buet pih na cewek sinan malam-malam. Alahai teuh, kota Jakarta, han ek ta pike le geutanyoe nyang na di Aceh.
Berita ji drop Andi Arief nyoe kalheuh geukonfirmasi le Kepala Badan Reskrim Narkoba Pak Komisaris Jenderal Idham Azis, watee ji tanyoe le awak tempo rot Whatsapp. Apa hana lumboi Pak Idham nyan, adak meudeh jeut Apa tanyoe langsong sit. Teuman hana lumboi bak Apa, kakeuh bah ji tanyong le awak Tempo mantong.
Jinoe ka ji selidiki le awak Demokrat dum, peukara ji drop Ando Arief Teukeujot Awak Demokrat, neu klik ju sinan neubaca.
Andi Arief nyoe terkenal that lam bhah peulitek thon nyoe neukiraju. Lheuh baroesa jeh ji hambo Prabowo gara-gara kardus, lheuh nyan ji hambo KPU bhah 7 kontainer keurtah suara nyang kalheuh meucoblos. That geupeh t'em kiraju. Sang brat ka hana timang le.
Nasaja kiraju. Kajeut bak ureung-ureung lagee nyan mantong ta yu peutimang nanggroe.
0 Response to "That Bereh Lagoe, Waki Sekjen Partai Demokrat Ka Ji Beureukah Gara-Gara Narkoba"
Post a Comment