Teunak Jokowi Bak Statuih Pesbuk, ZA Jibeureukah Le Peulisi
Nasaja Berita – Medan, Nyankeuh meunan lagee judul nyan ju keujadian. Ata nah di ureung tanyoe lawet nyoe lagee si puntong ban meuteume jaroe neukiraju. Seulama ka na teumpat nyang jeut ta teumuleh pu nyang h'eut, keubiet lagee h'eut ji tuleh pu nyang hana, tan ji pike keu akibat.
Contoh jih ZA umu 25 thon baro, ji kheun kei Jokowi abeh buet, akhe buet ka ji ramah le peulisi.
ZA awak Medan, Sumatera Utara ji kheun keu Jokowi binatang macam-macam neukiraju. Sampe ji kheun Jokowi meu'en dukon. Aleh pu-pu dum ji kheun. Aneuk muda darah mantöng mendidih neukiraju. Hana rhem.
Ji kalön statuih jih le awak TKD (Tim Kampanye Daerah) Sumut, meujilapor teuk bak peulisi. Kön ka hana meupu cap. Soe keuneuk bela teuh.
Watee ji pareksa le peulisi, ZA ji akui nyan hana soe nyang yu. Jih ituleh nyan seubab icaih dan hana galak keu Jokowi. Han mee di eu meusiangen pih. Maka ji kheun teuk pu nyang galak jih.
ZA kajeut keu tersangka. Keunöng UU ITE Pasal 14 ayat 1 UU No 1 Tahun 1946 tentang Peraturan Hukum Pidana subsider Pasal 28 ayat 2 jo Pasal 45 ayat 2 jo Pasal 27 ayat 3 jo Pasal 45 ayat 3 UU RI Nomor 11 Tahun 2016 tentang Perubahan atas UU RI No 11 Tahun 2008 tentang ITE.
Nyan UU nyan hana pat Apa peu Aceh, takot salah. That na teuh. Nyan berita bak Klikkabar na jituleh, bak detik pih na sit. Bak viva na, bak medanheadline na, dumpat na.
Jadi bacut nyang Apa keuneuk peugah, beuhati-hati that bak neu teunak dan kheun keu gob bak pesbuk. Kritik ubee ek ju, teuman meunyoe ka roh meukheun bui, asee, kaplat, ek bo*, ek p**o, pane na jeut keu raka'at lom.
Bek watee ka ji drop, hana soe peureumeun, meu ta moe ba ee teuk sidroe lam penjara, hana guna. Kön keu Jokowi mantöng keu Apa meunan sit. Bek that neu teunak, si gö-gö hana pu, kadang han ek neu theun. Tapi meunyoe keurikep babah neuh bek meudaleh keu Apa. Seubab bak Apa na kurapmat siangen. Nasaja kiraju.
0 Response to "Teunak Jokowi Bak Statuih Pesbuk, ZA Jibeureukah Le Peulisi"
Post a Comment