Presidium PP: "Kartu Sakti" Jokowi, Lagu Jameun Ka Leukiet, Bah Pih Kaset Baro
Nasaja Berita – Jakarta, Nyoe judul berita gawat that Apa teume dari Rmol.co neukiraju. Apa pike phon Jokowi ka mulai meukat kaset, lagee si Syahkubat bak keudee Beureunun, rupajih kon nyan lheuh Apa baca asoe, bah pih na meusinggong keunan siangen.
Meunurot geutuleh le Bang Bunaiya Fauzi Arubone bak Rmol.co nyan, geupeugah le Presidium Persatuan Pergerakan, Pak Andriarto, program Jokowi nyan ata-ata sot, hana kreatif sagai. Thon 2014 awai pih kartu sit. Mulai Kartu Indonesia Pintar, Kartu Pra Kerja, Kartu Sembako Murah nyan bak ta kalon dali, han akan meuhi galak ureung untuk pileh Jokowi.
"Lon rasa meunyoe nyan program,program daur ulang, ibarat plastik brok-brok ta daur ulang atawa seubaro keulayi. Hana kreatif sagai. Dan masyarakat jinoe ka ji teupu ata nyan, hana le bangai ureung gampong neukiraju." Meunan geupeugah le Pak Andrianto nyan meunyoe ta peuphom makna lam bahsa Aceh.
"Meunyoe meumada ngon program kartu sakti nyan, han akan meunang le Jokowi. Pu lom lheuh ta kalon kinerja periode phon baroesa, sang kon lagee buet geupeujak buet. Hai ubee leumah ta kalon meunan ilee." Kheun Pak Andrianto nyan.
"Elektabilitas Jokowi hoe si uroe hoe ji tron. Seubab le mantong janji awai hana terlaksana. Beda calitra meunyoe awai le nyang bereh. Maka program kartu nyoe mungken-mungken mantong jeut dongkrak Jokowi." Ka lagee ureung tempe bhan moto pih, bak pakek dongkrak, nasaja kiraju awak Indoneh bak peugah haba.
"Nyan meunurot lon kalon, awak Jokowi ka panik, makajih ji daur ulang lom program kartu. Ibarat jih, lagu-lagu jameun, kaset sagai baro. Teuman kon hana meupu cap." That kha tuto geuh Pak Andrianto nyan neukiraju. Sang ukuran watee ta puta, ji teumee leukiet meunan.
Nasaja bahsa awak Indoneh neukiraju.
0 Response to "Presidium PP: "Kartu Sakti" Jokowi, Lagu Jameun Ka Leukiet, Bah Pih Kaset Baro"
Post a Comment