Nyan Ban Rupajih, Ahmad Dhani Ngon Vanessa Angel Ka Sapat Tinggai
Nasaja Berita – Surabaya, Mantong teuingat neuh keu dek Vanessa Angel ureung droeneuh? Han mungken tuwe neuh, yakin that Apa neukiraju. Bah pih baroeken hana tom APa peu ek berita sinyak dara nyan, bah kalinyoe Apa peu ek sigo. Seubab Apa kalon, meunyoe ta peu ek bhaih peulitek, leupah teuga neu teumeunak dum. Ukuran abeh drat. Meunyoe bhaih narkoba pih suah ta piyoh sit siat. Bah pih seip jai mantong berita ji drop awak p'iep narkoba nyang hana lom ta peu ek.
Keu kasus dek Vanessa Angel nyan hana le Apa peupanyang sinoe, seubab ge that teuingat neuh di awak droeneuh dum. Sampe gambo poto eungkot geumuloh neu peu ek bak pesbuk dum lapan ploh juta yum. That na teuh kiraju.
Jadi tanggai 28/3 baroesa, berkas kasus Dek Vanessa ka ji peupo u Kejaksaan Negeri Surabaya dari Polda Jawa Timu. Makajih Dek Vanessa Angel ka suah piyoh bak rutan atawa rumoh tahanan Madaeng di Sidoarjo. Aleh na toe ngon abeuk lumpur Lapindo Sidoarjo pih hom. Meunyoe bak tanyoe sang, kasus-kasus lagee nyan, awai lam abeuk ilee geu seumanoe, baro ji hue lam penjara.
Apa baca bak CNN Indonesia, ji peugah dek vanessa ka suah sok baje tahana wareuna biru lage lam poto, seugolom jih baje pink ji sok. Jaroe ka ji gari. Bek ile, teuman di bang nyan, pu ka geujak mat baho dek Vanessa Angel pih, hana meupat-pat geucok laba di bang nyan.
Sinan lom ji peugah nyang bahwa lam rutan nyan na Ahmad Dhani, nyang kheun lagu DEWA 19 jeh. Aleh judu lagu pih Dewa 19 nyan, aleh pu. Pokok jih na tom Apa deungo-deungo lagu jih jameun, Laskar Cinta tebarkan lah virus-virus benci. Sang nyoe meunan, hana get Apa aphai seubab. Meu juh lhee ploh hana abeh teuaphai, pu ta aphai lagu nyan. That na teuh.
Ahmad Dhani ji drop ji sak lam penjara nyan kasus ji kheun keu pemerintah, pencemaran nama baik ji peugah. Meunyoe bahsa Aceh, pu nan kasus nyan ta kheun, hana ta teupu kheun pih. Kasus kheun keu gob nyang kon-kon, sang meunan baro paih bahsa. Meunyoe hana paih, neu peu paih le ureung droeneuh siat.
Keu kasus dek Vanessa Angel, hanjeut ta peugah sinoe, geubaca le Da Mulah eunteuk bucho rahsia Apa, sang-sang geupike le Da Mulah, Apa galaak that baca bhaih nyan. Ka meuramah teuh. Nasaja kiraju. Bak AJNN na sit geu peu ek, han theun talo AJNN neukiraju ngon CNNInonesia
0 Response to "Nyan Ban Rupajih, Ahmad Dhani Ngon Vanessa Angel Ka Sapat Tinggai"
Post a Comment