Mualem: Awak Nyan Ka Saket Igoe, Mungken Ka Leupah Pajoh Peng
Nasaja Berita – Banda Aceh, That na teuh, gara-gara awak bhah luwah tanoh Prabowo di Aceh, sabee-sabee GAM ka hana sapu kheun le dum. Ukuran ji teume crah ulee buya bak pike keu nanggroe Aceh nyoe.
Baroesa na padum-padum droe dari Kes Kombatan GAM jak lapor Sandiaga Uno ngon Dahniel Azhar bak Polda gara-gara haba awak nyan, nyang bahwa tanoh HGU ata Prabowo di Aceh, jigarap le mantan GAM. Tapi nyang gura jih, panglima GAM LInge peugah hana, dan GAM laen pih peugah hana. Makajih ka ijak lapor.
Teuman yoe ka gura lom mantan Panglima GAM peugah na. Teuman kon biet gura.
Meunurot Apa baca bak ModusAceh, geupeugah le Mualem na mantan GAM dan warga nyan garap atawa pakek lahan Prabowo nyan, ukuran 93 Hektar. Dan nyan HTI, Hutan Tanaman Industri. Kon Hizbut Tahrir Indonesia. Seubab watee ji singkat saban nan dum, watee ta cek ka beda. Bah pih saban-saban HTI. That na teuh kiraju.
Geupeugah le Mualem," Lahan 93 Hektar HTI nyan ji garap le warga masyarakat dan kombatan GAM. Tapi memang hana ramee awak GAM nyang garap nyan. Tapi kon beurarti hana."
"Nyan nyang jak lapor nyan mandum saket igoe awaknyan, mungken ka leupah pajong peng." Kheun Mualem. That na teuh, pu kreuh that peng ilee bak geumamoh-mamoh ka saket igoe geuh dum di ureung nyan. Sang suah peu jeip panadol saboh leumpeng sapoe, mangat bagah puleh.
"Meunyoe meunang Prabowo singoh keu Presiden, Lon langsong nyang lakee tanoh nyan beu geupeujok punoh bak tanyoe Aceh. Prabowo hana teumeu'a atawa tamak dan bulo ureung jih, sosial gobnyan tinggi." Kheun Mualem.
Nyankeuh ban neukalon, meudawa jeut sabee droe, asai bek meupake mantong. Meunyoe ka bhah pajoh peng, nyan hana roh Apa ju beh. Apa mantong pajoh bu ngon eungkot, si go-go na gulee teupeuleumak ata Da Mulah tagun, meugeudh'et mangat. Han saket igoe teuh.
0 Response to "Mualem: Awak Nyan Ka Saket Igoe, Mungken Ka Leupah Pajoh Peng"
Post a Comment