That MeuYahudi Akai Teuntra Israel, Ji Timbak Ureung Lam Seumijid Aqsha

Nasaja Berita – Palestina, Akai awak teuntra Israel ngonn akai asee mantong get akai asee siangen neukiraju. Roh takheun meunan bak phon ta tuleh, nyan dum brat ji ek darah teuh. Ukuran suah tajak krok boh timon phang teungoh cot uroe timang.

Meunurot info nyang ka meutuleh bak detik.com ata geu kutip dari media Anadolu Agency,  ubak tanggai 19/2 uroe Selasa, malam Rabu baroesa, troh awak teuntra Israel ji jak u seumijid, Mesjidil Aqsha, Yarussalem. Nyan bek neupike ji jak seumayang keunan. Ji jak timbak jama'ah ngon beudee. Kon aneuk beude karet ji pakek, tapi sit memang aneuk busoe. Teuman kon that meu yahudi akai jih.

Watee geulaporkan le saksi mata sinan, hana roh geupeugah padum droe awak teuntra Israel nyang jak keunan. Teuman lheuh jak lakee info bak awak palang Merah Palestina, na sidroe nyang suah jak rawat di rumoh saket wap luka timbak. Nyan sagai ji peugah le awak nyan, hana ji peujeulaih meubacut teuk pih.

Keujadian jih bak pinto gerbang Ar-Rahma. Nyan geurbang seumijid nyang paleg toe deungon teumpat nyang teungoh brat that konflik uroe Seulanyan tanggai 18/2 baroe. gara-gara awak teuntra Israel jak top geurbang nyan bak uroe Aleuhad baroe jih tanggai 17/2. Teuman kon that meuarakate buet awak teuntra Israel nyan. Lam paih ngon pham bak talak jih si go, mangat ji turi soe geutanyoe.

Bak uroe nyan, na seukitaran 20 droe ureung tanyoe Palestina nyang jak demo ji timbak, ji poh le teuntra Israel paleh nyan. Meunan nyang kalheuh geu konfirmasi haba le jurubiacara kementrian kesehatan Gaza, Ashraf al Qidra. "Man dua ploh droe nyan luka timbak, aneuk beude timah ji pakek ji timbak ureung geutanyoe." Paleh troh lam darah awak Israel nyan. Nasaja kiraju.

Share this post