Kalom, SaPeFaM Jak Intat Bantuan Keu Santri Kurang Mampu di Dayah Palong Gadeng

Nasaja Berita – Lhoksukon, Yayasan SaPeFaM kalinyoe baroe uroe Lasa tanggai 12/2 ka geujak intat bantuan pendidikan lom keu aneuk dayah nyang mantong jak beut dari keluarga miskin. Teungku Zahrul Fahmi nyang teurimong bantuan untuk kali nyoe. Meunurot nyang geusampaikan le Teungku Musliadi Almira, nyoe adalah kali keu-3 bagi SaPeFaM jak intat bantuan.

Teungku Zahrul Fahmi nakeuh santri nyang jak beut bak Dayah Abu Paloh Gadeng, Madinatuddiniyah Darul Huda, Aceh Utara, Pimpinan Abu Mustafa Ahmad atawa Abu Mustafa Puteh. Teungku Zahrul Fahmi ka 3 thon lam dayah.

"Keluarga Teungku Zahrul Fahmi si rame lam dayah. Na dua droe saudara kandong neuh lam dayah sit. Teungku Marzatillah dan Teungku Ikrimatillah. Ureung nyan mandua ka na meu 9 thon sapoe lam dayah. Sidroe teuk Teungku Halimullah, nyang ka glah 3 bak dayah Madinatuddiniyah Babussalam, pimpinan Abu Tu Min Blang Blahdeh." Meunan haba Teungku Musliadi Almira nyang geupeusampo bak Apa Raban beuklam.

Awai na Apa peu ek sit keu berita, sinoe neu klik SaPeFaM intat Bantuan keu Teungku Halim

Ureung syiek Teungku Zharul Fahmi tinggai di Gampong Blang Mu, Lhoksukon Aceh Utara. Cuma tinggai Mak sagai sidroe teuk,karena ka nam thon nyoe ka pisah Mak deungon Ayah. Nan Mak beliau Halimah. "Teuman kon ek ta bayangkan, nyan foto rumoh. Aneuk lam dayah mandum, demi jak tuntot ilme agama. Maka jih peurle that bantuan dari rakan-rakan dan syedara seukalian". Sambong Teungku Mus.

Meunyoe peurle info leubeh teuntang keugiata SaPeFaM nyoe jeut neumita bak pesbuk atawa neu klik bak nyang ka Apa peu teubai huruh tulesan SaPeFaM nyoe. "Lam yayasan nyoe, iuran wajeb bagi anggota 10.000 rupiah sibuleun. Meunyoe keuneuk jok leubeh silahkan. Seubab tiep buluen sabee ta usahakan 500.000 rupiah ta salurkan untuk santri nyang ka tanyoe tanggong." Nyan ban haba Teungku Musliadi Almira, seulaku ketua yayasan SapeFaM

Share this post