Peusan Irwandi Keu Pak Nova: Bayeu Kupi Keu Relawan Si Gö-gö
Nasaja Berita – Jakarta, Seumaken to deungon jadwal uroe vonis hakim keu Gubernur Aceh nyang teungoh nonaktif Irwandi Yusuf gara-gara masalah kasus korupsi DOKA, Dana Otonomi Khusus Aceh. Kasus nyoe karap sithon nyoe ka hana ji khok pale lom le hakim, dari lheuh uroe raya baroesa.
Kalinyoe ka na pesan keu Pak Nova Iriansyah seulaku Waki dari Irwandi, dan jinoe kajeut keu pelaksana Tugaih, atawa Plt Gubernur. Seubab hana droe Irwandi di nanggroe. Aleh pakon, bak na pesan meunan, lagee pesan wasiet keudeh rasa jih, lagee keuneuk meupisah keuh, han meureumpok le. Alah ma beh teuh. Nyan Apa baca berita lam bahsa Indoneh bak Acehsatu.com beuklam.
Wasiet Irwandi atawa Bang Wandi keu Pak Nova nakeuh supaya Pak Nova teutap geujalankan visi nyang ka saban-saban geuprogram masa ek keu Gubernur-Wakil Gubernur awai. Bek sampe jameun sapu pakat, jinoe ka laen calitra. Meunan lah kira-kira meuphom jih.
Salah saboh program nyang geucanang awai adalah program Aceh Hebat. Apa hana that teuingat sit keu asoe program Aceh Hebat nyan. Nyang inti jih bak masa nyan na 3 boh asoe inti program Irwandi-Nova: Aceh Caröng, Aceh Hebat, Aceh Teuga.
Seulaen nyan Irwandi geuwasiet, beu geutem peureumeun relawan awai nyang ka ji meuabeh untuk peu ek ureung nyan dua bak keurusi Gubernur-Waki Gubernur. Bak Apa kira meunyoe hana awak nyan, na pu suah geu meulumpo jeut keu Gubernur sang, hana soe keurija. That na teuh. Nyan ka seutuju that Apa neukiraju, keu haba Bang Wandi meunan.
"Si gö-gö neu meureumpok, neupakat jep kupi, droeneuh nyang bayeu." Kheun Bang Wandi sira teukhem teusih'eh lagee biasa ju. Seubab na troh haba bak Irwandi nyang bahwa awak relawan termasuk nyang dari Partai Nanggroe Aceh atawa PNA sampe inoehat susah that keuneuk meureumpok Pak Nova. Padahai kalheuh ji pakat, teuman hana respon sapu lom. Nasaja kiraju. Sang brat that sibuk Pak Nova lawet nyoe, sdroe geu kawai nanggroe. Ek nyoe teuman nyan? Ta kira nyoe ju ile siat, dang-dang ta kira pu laen watee ka na batere kolotor teuh. Poto ata bak tribunnews beh.
0 Response to "Peusan Irwandi Keu Pak Nova: Bayeu Kupi Keu Relawan Si Gö-gö"
Post a Comment