Mulai Beuklam, Ka Murah Lom BBM di Jakarta, di Aceh Kiban?
Nasaja Berita – Jakarta, Uroe nyoe mulai beuklam poh 12 malam, ka murah siangen teuk minyeuk bak galon beh. Sit ka mulai deuh raseuki ureung Indoneh asai ka get akai. Ka murah minyeuk. Ek nyoe meunan teuman, adak kon, ta kira nyoe ju keudeh, mangat bagah buet.
Meunurot info nyang Apa baca bak web Serambi Indonesia bunoe, yum minyeuk nyang ji peumurah le pemerintah kalinyoe beda-beda. Pertamax Turbo beda ji tron yum, Pertamax biasa laen lom, Dexlite beda yum, Dex biasa beda lom. Nyang hana beda sit tok Pertalite sagai. Meunyoe Bensen Premium ngon Solar sit ka hana meu ubah le jinoe siat. Seubab nyan minyeuk subsidi pemerintah. Suah ta meuhajat ile meunyoe di Aceh keu Bensen ngon Solar. Nyan bak ta antri pih hana kureung seuteungoh jeum, nyan meunyoe moto. Meunyoe Apa seubab ek honda meumada limong blah minet sagai antri. Seubab ubiet tangki dum.
Alasan pakon ji peumurah yum minyeuk meunurot ji peugah le awak Pertamina, mangat cocok ngon yum minyeuk mentah di donya, dan yum peng Rupiah watee ji bandeng ngon peng Dollar Amerika Serikat. Nyang peugah meunan Pak Mas'ud, seulaku Direktur Pemasaran Retail Pertamina.
Untuk wilayah Jakarta, berikut komposisi harga BBM non subsidi :
1. Pertamax Turbo dari Rp 12.000 jeut keu Rp 11.200 si lite.
2. Pertamax dari Rp 10.200 jeut keu Rp 9.850 si lite.
3. Dexlite dari Rp 10.300 jeut keu Rp 10.200 si lite.
4. Dex dari Rp 11.750 jeut Rp 11.700 si lite.
5. Pertalite tetuap Rp 7.650 si lite.
Meunyoe peurle kiban yum minyeuk seluruh neugara Indoneh neu klik bak link Pertamina.com
Teuman bak tanyoe di Aceh kiban? Suah Apa jak u galon ilee eunteuk Apa jak kalon bak meusen awak nyan. padum ka ji tuleh. Nyoe Apa keuneuk jak u Lhoknga ile siat jak kalon mata uroe lop sira jeip ie u muda dua ngon Da Mulah. Sinyak bah tinggai di rumoh, ji kalon le Adoe Da Mulah. Si go-go tajak dua khong kon hana pu. Nasaja kiraju.
0 Response to "Mulai Beuklam, Ka Murah Lom BBM di Jakarta, di Aceh Kiban?"
Post a Comment