Irwandi Yusuf: Na Nyang Peulaku Droekuh, Meunyoe Ku Calitra, Abeh Keunong Ubena Peujabat
Nasaja Berita – Jakarta, Hana bereh-bereh lom kasus Gubernur Aceh nyang teungoh meucaruh hukom ngon KPK neukiraju. Sampe inoehat, hana ji khok pale lom le hakim. Aleh ka ji peu meusom pale le satpam aleh kiban pih. Neukiraju ji teume phep punggong-punggong bak ta duk bak keurusi nyan ka meubuleun-buleun, han bereh-bereh masalah.
Irwandi Yusuf atawa seureng ureung meuhoi gobnyan Bang Wandi, ji singkat BW mangat mudah ta tuleh, meukumat kasus dari lheuh uroe raya baroesa thon waribe lapanblah kasus dana DOKA, Dana Otonomi Khusus Aceh.
Meunurot Bang Wandi, nyoe ka ji set le petinggi dan peujabat neugara, nyang hana seunan keu Bang Wandi. "Hai settingan nyan sit na, ata ji peujeut-peujeut, teuman meunyoe ta peuhah mandum ramee that nyang suah duk sinoe." Meunan lah meuphom haba Bang Wandi, watee Apa Raban baca berita bak Suara.com baroe.
Sinoe neu klik neubaca Kontraktor: Saboh Miliyar Keu Bang Wandi
Irwandi sampe teukhem keudroe bak ikot sidang, sampe inoehat hana bukti lom nyang peugah gobnyan teurimong peng dan roh lam kasus nyoe. Hana roh Bang Wandi, dan hana soe ek jamin na roh Bang Wandi, ukuran geupeugah le Bang Wandi, "Lhee uroe lheuh ji drop kuh, hana ku teupu sit lom pakon droekuh ji drop". Meunyoe bak suara.com nyan, aku-aku haba, teuman lam bahsa Aceh kon suah ta tuleh droekuh, bek ta kheun key, brat that gasa sang eunteuk.
"Sampe inoehat uroe hana meusaboh bukti nyang meuarah keu droekuh neukiraju" Kheun Bang Wandi.
That na teuh di Bang Wandi Apa Raban kalinyoe, ji teume meukulat punggong bak geuduk sinan, hana bla-bla lom. Di hakim pih aleh pu lalo, kon ji jak mita pale laen ju, bak toko buso Teungku Haji Daka blah deh jalan geudong pengadilan. Pu ta preh pale nyang ka gadoh nyan, ta jak bloe laen, meuteume meu lhee boh sapoe teuk. Nasaja kiraju. Nyan poto ata bak tribunnews.
0 Response to "Irwandi Yusuf: Na Nyang Peulaku Droekuh, Meunyoe Ku Calitra, Abeh Keunong Ubena Peujabat"
Post a Comment