Eunteuk Malam Abu MUDI Brie Tausyiah Bak Haul Abu Panton Nyang keu-6
Nasaja Berita – Panton Labu, Abu Panton, atawa Abu H. Ibrahim Bardan, nakeuh salah sidroe ulama rayek nyang cukop that malem nyang na di Aceh. Abu Panton awai neubeut di Dayah MUDI Mesra Samalanga. Salah sidroe murid terbaik dari Abon Aziz Samalanga nyang ban lheuh Haul ke-30 lam minggu baroesa.
Abu Panton juga merupakan salah sidroe guree dari Abu Mudi. Pimpinan Dayah MUDI Mesra saat nyoe.
Abu MUDI akan neuisi tausyiah eunteuk malam bak acara haul Abu Panton nyang bertempat di Dayah Malikul Saleh, Panton Labu. Dayah nyang geupeudön le Alm. Abu Panton dan geupimpin le droe Abu sampoe neu woe bak Allah ta'ala.
Apa leupah hawa meujak neukiraju. Teuman kalinyoe hana langkah. Kakeuh ta meudo'a mantöng sikrek dua tanyoe dari jioh. Dan ta lakee sit do'a bak syedara dan rakan-rakan seureuta guree nyang na hadir bak majelis haul nyan keu geutanyoe. Terutama keu Apa Raban nyang that meutuwah nyoe. Nasaja kiraju.
Seubab na Apa deungö-deungö geupeugah le Teungku-teungku nyang bahwa lam majeulis haul nyan beurkat that. Meusapat ureung malem ngön ureung shaleh untuk ingat jasa ureung malem dan ureung shaleh nyang ka neuwoe bak Allah ta'ala.
0 Response to "Eunteuk Malam Abu MUDI Brie Tausyiah Bak Haul Abu Panton Nyang keu-6"
Post a Comment