Din Syamsuddin: Bek That Neu Meuabeh Bak Bhah Capres-Cawapres
Nasaja Berita – Jakarta, Ketua Dewan Pertimbangan MUI Pusat, Pak Din Syamsuddin kalinyoe ka han ek geutheun le. Suah brie nasihat bacut keu awak Indoneh nyang harok that keu bhah pilpres 2019. Pu keuh awak lumoi Sa ata awak lumboi Dua, sama rata kalinyoe.
Teuman seubab nyoe ka Apa tuleh lam bahsa Aceh, kakeuh keu ureung Aceh ju. Awak Indoneh han jeut ji baca bahsa Aceh. Meu awak Aceh pih hana abeh jeut ji baca. Seubab ka dok ngon Apa lu qe, kektu li, aleh pu-pu dum ji ratoh. Padahai watee ta kalon KTP sideh sajan Apa Dolah tinggai fi Gunong Geureudong. That na teuh neukiraju.
Beh ka, Pak Din geupeugah, bak buet dukong capres cawapres bek that ta meuabeh. Pu keuh nyang abeh galak atawa abeh ta benci. Seubab na haba lam agama tanyoe, "Bek that ta meuabeh bak cinta, seubab singoh uroe jeut keu benci. Dan bek that ta meuabeh bak benci, singoh uroe ka meuubah keu cinta." Nyan peunutoh nyan meunurot Pak Din, cocok that ta sampaikan bak ureung ramee jinoe. Seubab ka le ta kalon, bak peubrok lawan peulitek, keji that ka, ji teumeunak, ji meuhujat, sampe-sampe hana ji niet le keu ureung, ureung nyang ji benci nyan. Meunan meuphom haba Pak Din nyang Apa baca bak Detik.com. Poto-poto pih ata bak detik Apa cok nyan, ata geu jeupret le Bang Faiq Hidayat. Hana pa turi sit bang nyan. Nan sagai meusoe, saweub na meutuleh hinan.
"Ci beurasional bacut, beu moderat lam meupolitek, beu na tatakrama. Tanyoe ureung Indoneh beu na meuadab. Pu lom tanyoe Aceh, bansa meuadab, meuagama". Nyan haba Apa Raban, kon le haba Pak Din. Sigo-go Apa nyang peugah kon hana pu. Kadang han ek neu deungo haba Pak Din, ek neudeungo haba Apa. Meunyoe han ek neudeungo kakeuh bek neuh. Nasaja kiraju.
0 Response to "Din Syamsuddin: Bek That Neu Meuabeh Bak Bhah Capres-Cawapres"
Post a Comment