Di Turki, Keluarga Linto Baro Meulhe Ngon Keluarga Dara Baro Gara-Gara Hana Paih Ji Seutel Lagu
Nasaja Berita – Turki, Meunurot nyang ji tuleh bak Daily Mirror, uroe Rabu baro tangga waploh na,. ji meulhe ureung bak pesta. Kon gob nyang meulhe tapi keluarga dara baro meulhe ngon keluarga linto baro. Teuman ek jeut keubuet di awak Turki nyan.
Nyan keujadian di Kota Adana, Turki. Masalah jih si pu sagai, gara-gara hana paih ji seutel lagu, That geu p'uep daih kiraju. Gob bak uroe pesta meubahgia, di awak nyan ji meulho sampe rhom-rhom keurusi ngon meja. Buet ji pubuet. Meunyoe keu pingan ngon glah bek le neutanyong, ukuran ji teume rugo poe rumoh uah bayeu pingan meulasah meunyoe surah khanduri bak gampong tanyoe.
Rupajih brat masalah gara-gara musik di awak nyan. Seubab dara baro ngon linto baro beda wilayah. Meunyoe surah bak tanyoe awak Aceh kawen ngon awak Jawa. Han paih ju selera musik. That na teuh. Meunyoe bak tanyoe lagu india ji peuudep, meunyoe di Jawa lagee haba itu ju, ji teume teungeut teuh sira ta pajoh bu. Aleh nyoe meunan pih, seubab hana tom tajak.
Keujadian di Turki nyan, padahai ka ji seutel le operator musik. Peu udep lagu si go sapu. Tapi maken parah karu. Gara-gara maseng-maseng meujoget watee lagu droe. Troh keunan kles awak Turki. Tapike le tanyoe aman that nanggroe Teungku Erdogan, rupajih siblah wablah ngon bak tanyoe sit.
Nyan berita bak Tribun na ji peu ek, bak Acehsatu pih na sit. Nyoe ka Apa peu ek bak Nasajaberita mangat leubeh meusyuhu lom Turki nyan. Wareh teuh. That na teuh. Nasaja kiraju
That na teuh beurita. Geu meugadoeh wap music.
ReplyDelete