Abu Syiek Hina Ulama Aceh, Teungku Cage Meungamok: Hoe Tim IT Peulisi?
Nasaja Berita – Banda Aceh, Gara-gara akun pesbuk si Abu Syiek Ureung Gasien atawa si Musliadi arakate nyang ji hina ulama Aceh, terutama Abu Mudi di Samalanga, kalinyoe anggota dewan DPRA Azhari, S.IP pih ka gr'am keu si gam nyan. Keubiet hana adab ngön ulama.
Geupeugah le Teungku Azhari atawa nyang ka ji thee nan Azhari Cage, meunyo nyan model ureung Aceh bak pesbuk hanjeut keu raka'at le. "Bek sampe gara-gara jih sidroe, ek ji peugabuek ubee na ureung tanyoe." Meunan geupeugah le Teungku Cage.
"Nyan peunyaket, han jeut ta peubiyeu." Kheun Teungku Cage. Langsong Apa jaweub "ka beutoi nyan Teungku. That ramee ka ureung dayah terutama alumni Mudi Mesra Samalanga ka geujak lapor bak peulisi. Teuman kiban cara, si gam arakate nyan sideh di Kanada, adak meu di Aceh, sit ka jameun ka ta ikat bak umpueng seureungga." Meunan Apa koh haba Teungku Cage.
Geujaweub le Teungku Cage, "Jinoe meunoe, laporan ka ji teurimöng le peulisi. Peulisi harus cok tindakan. Ka han jeut ji drop ureung, seubab sideh blah deh laot. Maka paleng kureung tindakan phon, ya cok pesbuk jih, sak lam tong eh ju. Bah kreuh hinan, bek udep le. Meunyoe kheun awak nyoe di Indoneh, dibekukan atawa cabot izin ilee."
"Meuhan rugo lah na tim IT bak peulisi. Nyan pesbuk jih ka hana beutoi le. Ujaran kebencian na, kheun keu ulama na, pakat poh ulama pih jih. Lheuh nyan ji pakat prang teuntra ngön peulisi di Indoneh lom. Teuman pu lom, kön ka jeut cok tindakan ju. Cok akun pesbuk jih, sak lam tong eh ju. Lagee eungköt suree. Mangat teu iem ile siat. Dang-dang ta sak jih lam tong eh. Atawa ya ikat bak umpueng seureungga lagee Apa peugah". Nyan ban kheun Teungku Cage.
Teungku Cage sit ka nyan bagian geuh, bak Komisi 1 di DPRA. Bagian hukom. Jadi sit ka cocok ju meunyoe gobnyan nyang peugah masalah hukom. Pu lom Teungku Cage sit hormat that keu ulama. Bagah ju seupaning geuh, ji ek tensi asai ka bhah na ureung jak kheu keu ulama macam-macam.
Nasaja kiraju. Ka na buet pak peulisi lom kalinyoe.
Lawnmowers. The best lawnmower recommended by experienced gardeners is the Luxus Push Reel Mower which protects overhanging plants. garden hoe
ReplyDelete