Pak Guru Hamdani: Ta Peumeusyeuhu Basa Indatu Lam Buku
Nasaja Berita – Lhokseumawe, Nyan neukalön, rupajih ureung tanyoe Aceh mantöng na nyang pike keu bahsa indatu. Peumeusyeuhu keulayi. Bek sampe aneuk muda mudi han ji teujeut le mariet lam bahsa Aceh. Meunyoe kheun ureung gampong Da Mulah, "Na leupah 'oh Mandaceh (Banda Aceh), meu ek leumoe hana turi le". Nyan watee neubaca, beu mekeulido, bek lagee meutuleh.
Memang beutoi ta kalön, hoe si uroe bahsa Aceh tok di gampong sagai ureung peugah haba. Meunyoe di kota, lage haba nyan ju. Hai ukuran lam keude kupi ka lam bahsa indoneh. Watee ta tanyöng gampong, ka awak Gunong Geureudong. Teuma kön hanjeut keu raka'at.
Pak Hamdani sidro guru bak saboh sikula SMAN di Kuta Lhokseumawe, kameuhase geutuleh saboh buku basa Aceh lam basa Aceh. Bukunyan geuboh judul Bahasa Indatu Nenek Moyang Ureueng Aceh. Neukira ju, buku nyan geutuleh lam wate tujoh thon baro seuleusoe. Ji teume rayek sinyak teuh meu dua droe teuk.
Di Pak Hamdani nyan lahe di gampong Paya Bili, Kecamatan. Meurah Mulia (Jungka Gajah), Aceh Utara. Daerah toe-toe ngon bineh Geudong Pasee. Nyan keuh nyan awak Pasee galak keu basa Aceh, geupeumaju keulayi basa Aceh lage masa Sultan Keurajeun Samudra Pasee.
Cukop paih neukira aju, ka jareung ureung tuleh buku lam basa Aceh. Alah nyoe punoh lam bahsa Aceh pih hom, hana meubaca sit lom. Hawa teuh sang. Lagee buet Apa nyoe, lam bahsa Aceh ta tuleh berita, bah pih le cagok, nyang peunteng hana hoax. Kiban hinan, na bereh Apa kon? Apa droeneuh nyoe sit beurteh bereh. Kon lagee Apa laen.
Lam buku nyan geutuleh bhah nan-nan kanto di Aceh, lam basa Aceh, nan eumpeun takue, hai makanan, kon eumpeun takue bahsa gasa jih, peunajoh tradisional masa jameun keu reu'eun. Na sit basa Aceh nyang lucu-lucu. Tapi teutap leubeh lucu Apa Raban, hana soe teujeut bantah nyan. Na sit bagian tata basa Aceh, nan-nan boh kaye lam basa Aceh, aleh pu boh dum geutuleh, nyan Apa Raban pih tan meuphom, seubab hana meukalon dan meubaca lom buku nyan. Meunurot geupeugah keudroe le Pak Guru, cukop brat ju lucu neukira ju. Na lom asoe buku nyan bhaih khanduri mulod di Aceh, budaya jak beut u dayah atawa peusantren, buet jak deungo dakwah bak tanoh lapang. Pokok jih neukira aju asoe buku nyan na keuh kearifan lokal Aceh, meunyoe kheun awak nyoe lam bahsa Indoneh.
Buku nyan geutuleh le pak Hamdani Mulya ngon Tgk. Razali Abdullah, nyang tuleh kamus Aceh-Indonesia. Jadi bak ujong buku bahsa indatu, geu peuseuneulheuh ngon kamus Aceh-Indonesia. Buku nya ji cetak le penerbit Afkaribook, Banda Aceh. Sang adak sira ta jep kupi, mangat ta baca. Hana teubai that pih, wartoh namploh halaman sagai.
Ka cocok that ju ngon pu nyang hawa Apa, beu na tulesan lam bahsa Aceh. Apa bah buet jak rawi-rawi berita, di Pak Guru, lagee haba itu. Tuleh buku. Teuman hawa teuh sit keu buku nyan, aleh ek geu jok saboh keu Apa, hom di Pak Guru. Tapi sang geu jok, seubab nyoe berita bhaih buku Pak Guru, ata geu yu tuleh. Mangat ta peumeusyeuhu bahsa indatu teuh. Lom pih Apa hana roh meulake lom keu buku nyan.
Nasaja neukira ju, bak cara mita pre.
0 Response to "Pak Guru Hamdani: Ta Peumeusyeuhu Basa Indatu Lam Buku"
Post a Comment