Jalan Keucamatan di Aceh Utara Ka Lage Krueng
Nasaja Berita – Aceh Utara, Nyan ban neukiraju jalan sideh di Aceh Utara bak Gampong Teungku Syimi Berarti. Nyan ata geukirem le beliau bak Pesbuk Apa Raban. Karap dua gö jeumeu'at ka geukirem, hana roh meutuleh keu berita lom neukiraju. Pane na, lawet nyoe abeh gabuk ureung bhaih cebong kampret. Uroe keu malam, malam keu uroe, bhaih-bhaih söt dum. Abeh pakee ureung ubee na.
Meunurot geupeugah le Teungku Syimi Berarti (nan akun pesbuk gobnyan), nyan jalan dari masa DOM ka meunan sampe inoehat. Aleh padum droe Presiden ka meugantoe, jalan maken tuha kiraju. Adak gubernur pih hana meu ta tudum droe ka meutuka, nyang jalan nyan teutap hana soe pakoe. Kakeuh meunan.
Nyan lokasi jalan nyan di Jalan seumirah - Alue Keureunyai, Kecamatan Nisam Antara Kabupaten Aceh Utara. Padahai masa Ilyas Pasee jameun, watee geu ek keu Bupati Aceh Utara, geumeujanji jalan dari meuh kalinyoe ta peugöt di nanggroe Pasee. Nyan kön ka meuhie meuh siangen. Kuneng meunan seubab, meuleuhob lheuh ka.
Meunyoe ji toh ujeun di langet, nyan jalan that brat ju meuhie kreung. Geupeugah le Tgk Syimi nyan, "Hai Apa neukira ju Tuhan geunaseh keu kamoe, geutamah krueng saboh teuk u gampong. Meunyö pemerintah bek ta kheun jigaseh, meuji keurileng han u daerah kamoe." Nyan ban kiraju.
Watee teuingat keu jalan nyan sang, han keumah ta ba Da Mulah tajak peu wet-wet supot uroe. Meugeuredhuep lheuh, ji teume patah bregeih honda teuh. Di Da Mulah pih kön ubiet ureung. Tapi adak meunan-meunan Da Mulah teutap nyang that Apa cinta neukiraju.
Rupajih na nyang leubeh parah dari jalan di Buloh Blang Ara, nyang tom Apa peu ek keu berita bak nasajaberita.com padum buleun nyang ka u likot. Nyoe masa kampanye, pu hana caleg sagoe nyan, nyang meujanji atawa sit langsong ji peutrön moto gileng sagoe nyan? Alah hom, awak nanggroe teuh sit adak meunan-meunan. Seupanduk nyang lö meulhat bak bineh jalan sang. That geu p'uep daih neukiraju.
0 Response to "Jalan Keucamatan di Aceh Utara Ka Lage Krueng"
Post a Comment