Baroesa Aceh Rayek, Kalinyoe Ka Abdya. Laen Kiban?
Nasaja Berita – Blang Pidie, Pemkab Aceh Barat Daya kalinyoe ka geuikot lagee Aceh Rayek. Beda siangen, meunyoe di Aceh Rayek, Waki Bupati, Waled Seulimuem atawa Waled Husaini sit langsong geu wet rata keudee di Jantho, kayee si krak eu hu bak jaroe, geuyu top keude watee teungöh su bang (azan) sampoe lheuh seumayang. Waled dari Partai Daerah Aceh, seunambong gareh partai Ulama. Kön ka meuhie ju.
Di Abdya ka na himbauan meunan. Piyoh ubeena aktivitaih, jak seumayang u seumijid atawa mushalla. Bek leubeh meuasoe keude pasai ngön seumijid watee su bang. Reulöh nanggroe teuh.
Pak Keupala Dinaih Syari'at Iseulam Abdya, Teungku Rajuddin peugah, himbauan nyan ka ta mulai bak tanggai dua buleun sa baroe. Nyan himbauan langsong dari Bupati. Khusuih jih keu ureung Iseulam. Meunyoe Cina kaphee adak hana ijak seumayang hana meudaleh, sit tan wajeb keu awak nyan. Teuma nyang keudee teutap suah top. Pu lom, bak keudee Cina sit awak tanyoe Aeh dum keurija neukiraju.
Nyan himbauan nyan, keu peuleumah nyang bahwa tanyoe ureung meuiman. Ka cocok ju ngön visi misi Bupati watee geu ek awai dilee, menciptakan Abdya islamindan sejahera. Teuman kön keubiet nyoe bereh.
Nyan himbauan kön cuma keu ureung awam atawa ureung meukat. Ubee na kanto dinaih pih roh. Meunyoe awak nye kheun SKPA, aleh pu SKPA nyan pih hom. Pokokjih awak keurija lam kanto. PNS, peulisi, teuntra ureung jak u blang, ureung meukat, dumpu keurija jeut nyang seumayang limong bek sagai ta lupa.
Geupeugah le Tgk Rajuddin, ta mulai dilee dari nyang paleng pokok, leumah ubiet that buet. Nyangkeuh seumayang limong, beu meujama'ah mangat leumah keusantua ureung meuiman di Abdya.
Apa that brat ju setuju. Di Kutaraja kiban, pu ek na meunan? Teungoh su bang, punoh ureung lam keudee kupi, sep min dih ureung Aceh lawet nyoe. Meunyoe kheun ureung tuha jeh, "Pu hana le urueng meuiman hinoe, heuh? Pat teuman nyan?" Nasaja kiraju.
Berita bak Acehtrend Apa baca bunoe, ka teulat saree ta peu ek.
0 Response to "Baroesa Aceh Rayek, Kalinyoe Ka Abdya. Laen Kiban?"
Post a Comment