Bang Wandi: Long Blah Jokowi, Bah Pih Ji Drop Masa Jokowi

Nasaja Berita — Jakarta, Gubernur Aceh nyang teungöh meupeukara ngön KPK di Jawakarta kalinyoe ka geu meu sue bhah pileh Presiden. Nyan neukalön Bang Wandi geutanyoe. Padahai teungöh lam penjara. Tapi mantöng geuteume sit pike keu pilpres.

Geupeugah le Bang Wandi, seucara pribadi teutap geudukong Jokowi lom kalinyoe. Lam thon 2014 awai Bang Wandi sit ka blah Jokowi. Meunan sit ateuh nan PNA seulaku pimpinan partai. Bang Wandi teutap dukong Jokowi nyang kalinyoe meupasang ngön Kiyai Makruf Amin.

Bang Wandi ji drop le KPK lam thon 2018, sampe inoehat mantöng lam sidang. Bereh han bereh neukiraju. Han abeh-abeh sidang keu Bang Wandi. Awak nyoe nyang ji drop laen, ka lheuh ji thok pale le hakim. Nasaja neukiraju di Bang Wandi, lheuh han lheuh.

Geupeugah le Bang Wandi, "Lon sit ka blah Jokowi kalinyoe, ka dari awai ka toe kamoe, meuturi. Kalinyoe blah Jokowi lom, bah pih lon ji drop bak masa Jokowi. Hana masalah". Nyan ban geupeugah le Bang Wandi.

Teuman nyan Bang Wandi ka blah Jokowi seucara pribadi dan seucara partai. Teuman aneuk buah Bang Wandi di Aceh lam partai hana Apa tu'oh sit, aleh blah teh. Seubab hana keuh nyang leumah lom. Keucuali sidroe dua droe sagai nyang meuhie dukong Jokowi.

Hai nyan hanjeut keu masalah. Dukong ju teh nyang meuh'eut, asai beu ek tanggong jaweub. Watee keunöng cap cebong atawa kampret, bek meuh'op-meuh'op. Lagee Apa Raban watee peu ek berita bak nasajaberita.com dan lheuh meucopy paste u akun instagram Apa @nasajaberita_ ka keunöng cap cebong sit. Padahai Apa hana dukong Jokowi. Pu lom Prabowo. Apa kalinyoe dukong Da Mulah. Sabe-sabe dukong Da Mulah, meunyoe han ta dukong, keumah teuh. Can ta eh di meulasah neukiraju. Da Mulah caleg sit kalinyoe. Teuman hana Apa jak peu ek keu berita. Takot ji peugah hana netral eunteuk neukiraju.

Sumber berita bak beritakini.co Apa Raban baca baroe

Share this post