Abu West: Teungku Aula Dari Aceh Ceuramah Mulod di Amerika
Nasaja Berita – Amerika, Lheuh mugreb beuklam ka meupasapat ureung tuha Gampong Aceh nyang na di Amerika, nanggroe si Donald Trump.
"Kali nyo tanyoe ta peuget acara maulod nabi dengon ta meu khanduri. Ta meuhoi mandum rakan Mideuen Aceh In north Amerika yaitu syedara tanyo yang na di Amerika dan Canada dan South Amerika syedara yang na di Mexico dan ban sigom donya hana terkecuali, ateuh
nan bangsa Aceh." Nyan ban geupeugah le Teungku Musdar seulaku teungku Imum gampong Aceh nyang na di Amerika.
Ka jadeh Kali nyo Maulod Ta peuget di Harrisburg , Pannsylvania. Le Tgk Musdar seulaku keutua penitia Maulod di Amerika kalinyoe geu peugah nyang bahwa "Acara ta peuget di ruang geudong Mesjid Pakistan nibak alamat jalan 407 N Front St steelton , PA 17113-2124 United States, Amerika. Nibak tarekh atawa tanggai 09 Februari 2019 troeh nyoe. Uroe Sabtu.
“Eunteuk ta seumbahyang lueho meujama’ah, baro lheuh nyan ta
meuseulawet dan ta meukhanduri bacut.” Meunan lanjut tgk musdar kareuna geutanyoe
gohlom na meulasah droe teuh.
Lam hai nyoe Abu Zahidi di Tiro geu peutrang nibak kamoe nyang
bahwa "Acara nyo lheh ta meudike dan ta meukhanduri, lagee biasa ju, akan
na ceuramah maulod.
Nyang akan geupeusampoe le Tgk Aula Andika Fikrullah al Balad
beliau mahasiswa Master of Science in Instructional Technology at Lehigh
University Bethlehem, PA under USAID Scholarship asal Aceh Rayek. Nyan beliau
nyan alumni cabang Dayah Seulimum watee geujak beut di Aceh. Muda that mantong, dan hana lom meukawen. Nyan cucok neu tueng keu meulinte neu kiraju.
Harapan kamoe bak mandum syedara untuk neumeu doa meu sikrak
dua, mangat sukses acara maulod. Seurta beumeuhase untuk ta peugot meulasah Aceh
droe teuh keu ureun Aceh ban sigom Amerika. Jadi singoh wate na acara hana suah
lee ta sewa meulasah ureung Pakistan.
Nyan keuh nyan sagai harapan kamoe. Seumoga tanyoe beu geubrie
syufa’at singoh ureo dudoe deungon beurkat Maulod Rasul. Amin.
Abu West nyang langsong peu ek laporan dari Amerika Serikat.
0 Response to "Abu West: Teungku Aula Dari Aceh Ceuramah Mulod di Amerika"
Post a Comment