Calon Awak Peugöt Qanun Tan Sikula, Hoe Taba Nanggroe Apa?
Nasaja Berita – Banda Aceh, Kiban perasaan neuh watee neu baca berita bak Serambi uroe nyoe? Khak. Nyan jeut ta pileh keu waki rakyat. Seubab rakyat Aceh le nyang tan sikula, sang. That geu ph t'em. Phak lheuh kalinyoe nanggroe meunyoe nyang teupileh keu caleg awak tan sikula. Meumada ngön ijazah paket C. Alah na ijazah, meuhan sit sapu tan.
Nyan caleg, na keuh ureung-ureung nyang pikee keu aturan UUPA di nanggroe Aceh nyoe neukira ju. Teuman meunyoe tan sikula, ek bereh aturan Undang-Undang atawa Qanun nyang geu bahaih lam sidang. Nyoe bah ta cerita sabe droeteuh ile. Bek ile ta peugah bhaih lobi u Jawakarta. Sit ka tan ju. Suah meuhajat saboh seumijid sapoe ile baro ek ta peulangu awak Jawakarta, salah-salah sit tanyoe Aceh ji peulangu teuh lam abeuk tho. That geu soh min din.
Meunyoe keu berita, han ek ta tuleh neukira ju. Meucureh atee teuh, ta peu jok nanggroe bak ureung tan sikula. Tapi meunoe, kadang. Nyoe haba kadang beh. Kön na jameun ureung tuha kheun, "Jak beut bek ta peungeut gob. Jak sikula bek sampe ji peungeut le gob". Awak sikula han keumah jipeungeut le gob seubab awai caröng awak jak sikula lam bagian peungeut-peungeut gob. Khak.
Jadi ta pike ju keu jroeh jih. Awak caleg nyang tan sikula nyan, han akan ji peungeut tanyoe. Meunyoe ta pileh awak na sikula, takot ji labo tanyoe eunteuk, ji peungeut teuh. Awak nyang tan sikula hanjeu ji seumeungeut, tapi keunöng peungeut sabee. Jih hana desya seubab tan ji seumeungeut, tapi tanyoe phang pho, sabee keunöng peungeut.
Alah teuh. Apa Raban droe-droe ka mumang bak pike keu caleg. Di caleg meu ji pike tan keu Apa Raban.
Nyan nyang Apa peugah nyan, haba keu gura. Caleg nyang tan sikula atawa nyang na sikula bek baper meunyoe kheun aneuk muda lawet nyoe. Ata sit meunyoe ka ta keuneuk duek sinan bak kursi dewan, punyueng, peu kloe-kloe droe ju. Bek deungö-deungö haba rakyat lagee Apa Raban. Adak ji lake bantuan pih peu kloe-kloe droe ju. That geu soh mih dih.
Tapi meunoe, seulaku Apa Raban alumni masa konflik dilee, kön alumni 212 beh. Jadi Apa Raban meuphom pakön ramee caleg tanyoe tan sikula. Seubab masa nyan, karap abeh sikula ji töt, ijazah-ijazah ka abeh jeut keu abe. Atawa laloe mat-mat radio. Ka hana roh meujak le sikula watee nyan.
Nasaja neukira ju. Teuman nyang jeut keu suai lam ulee Apa Raban, meunyoe ka ta thee droe tan sikula, pu buet ta jak h'ok-h'ok keunan bak buet gob.
0 Response to "Calon Awak Peugöt Qanun Tan Sikula, Hoe Taba Nanggroe Apa?"
Post a Comment