Boh Minyeuk Bak Galon Paru, Aneuk Muda Meupeng Ji Beurkah Le Peulisi
Nasaja Berita — Pidie Jaya, Aleh pu bhaih di Pidie Jaya, gara-gara boh minyeuk bak galon (SPBU) Paru, Jalan Banda Aceh-Medan, Pidie Jaya, ka ji ramah le peulisi. That geu soh min dih. Teuman nyang hireun Apa, pakön peulisi Polres Pidie nyang jak drop. Kiban nyan, ek jeut meunan? Alah pat ta tu'oh buet peulisi, sabe-sabe droe jih.
Apa Raban cek berita bak ajnn.net awak nyang ji drop pih awak KTP Pidie Jaya, sidroe MR, sidroe teuk BR. Nyan inisial, nan asli hanjeut peugah lom. Seubab kön ureung terkenal, hana sie ka terkenal, hana suah inisial, hambo ju nan asli.
MR dari gampong Beringin, Meurah Dua, Meurdu. Meunyoe BR awak gampong Paya Tui, Ulim. Meunyoe na nyang kira-kira na gadöh ureung di gampong, kajeut jak u kanto peulisi jak kalön beutroh.
Jadi pakön ji drop. Padahai ureung meu peng. Rupajih peng palsu. Ata ji peuget keu droejih peng. Kön peng bank. That geu soh min dih. Akai peuget peng palsu rupajih. Hanjeut keu raka'at neu kira ju. Adak meu bak cina meda ji meubloe ka hom. Nyoe bak sama-sama Aceh ji meubloe ngön peng palsu. Icaih teuh. Aleh na ji meubloe kacang atawa ranup mameh bak galon ngön peng palsu nyan.
Meunurot geupeugah le Pak Peulisi ji drop di rumoh. Lheuh ji lapor le awak galon. Watee ji drop, kön cuma peng palsu rupajih ji teume, sabu-sabu pih na meu padum boh paket. That phak teuh. Buet nyang hanjeut keubuet ji meubuet.
Watee ji pareksa le peulisi, MR peugah meurnoe peuget peng palsu bak video bak yutub. Rakan-rakan Apa Raban hana suah meurnoe saree buet nyan beh. Meunyoe na nyang ka ahli, neu peurnoe Apa, tapi bek karu-karu. Ji sak teuh lam keurengkeng, han leupah le cok jatah bak Da Mulah. Nasaja kira ju.
0 Response to "Boh Minyeuk Bak Galon Paru, Aneuk Muda Meupeng Ji Beurkah Le Peulisi"
Post a Comment