Teungoh Muek Saka, Sidroe Caleg Parte Aneuk Nek To Ka Ji Drop Le Peulisi

Nasaja Berita -  Sigli, That phak teuh neukira ju meunyoe meunoe model caleg. Teungoh geu caleg droe, han ek theun piep saka, adak meudeh ken geupreh lheuh teupileh ile, dang-dang iwoe peng. That get jeut keu buet dum. Adak meu ka teupileh, adak geupakat Apa Raban si ge-ge hana meudaleh. Asai bek sabe-sabe, si ge-ge. saka thailand tapi, ata luwa. Khak.

Nyan neu kalon, kiban cara pak caleg rupajih awak piep sabe. Kali nyoe bah saka manteng ta kheun, bek sabe, takot beungeh awak meukat udeung sabe di pasai. Si ge--ge beungeh awak meukat saka keu Apa Raban kakeuh. Tapi bek beungeh neuh beh. Apa meuayang ngen awak droeneuh meukat saka si ge-ge. Nasaja neukira ju.

Bek lage lam berita nyoe, ji tot rumoh gara-gara hana peng bloe sabe, Peunyaket.

Jadi pak caleg nyan inisial jih TI, umue 38 thon, muda that mantong rupajih, darah panaih that. TI seulaku caleg nyan awak gampong Lingkok Busu, Kecamatan Mutiara, Pidie.

Nyan bek neu jak rika-rika soe TI, hana mangat ngen ureung gampong meunyoe neu tusoe le ureung droeneuh nyang baca, bah ureung gampong mantong nyang teupu. Seubab ken keupue laen, nyang lapor beliau nyan supaya ji drop le peulisi pih ureung gampong.

Jadi geupeugah le Peulisi pak Yusra Aprilia seulaku Kasat Narkoba dari Polres Pidie meunan geupeugah. Peulisi jak drop seubab ka geujak lapor le warga. Watee peulisi jak drop, geuteume plueng bak TI nyoe. Alah hana ji timbak bak gaki, meuhan ka hana meupat-pat cidra geuh, Nasaja kupeugah.

Alah pih kon lagee bang Burhan, ji timbak tewaih di teumpat, neu klik ju sinan neu kalon bang Burhan ji timbak.

TI nyan caleg dari parte awak aneuk Nek To teuh, partai berkarya. Poh 8 malam watee isya malam Lasa baroe keujadian. Teuman nyoe Apa cok berita bak AJNN satnyoe ban. TI rupajih ken awak rayek, cuma jak h'uep-h'uep nyan wap saket ulee, aleh wap han sep peng keu kampanye awlh pu. KAdang hana meuhoe peukeu le, kakeuh jak h'uep sabe meutuwah nyan. Ubee ok sagai, hana meutrok si on pih, cuma nol koma limong blah gram.

Meunurot geupeugah le beliau nyan, barang meutuwah nyan ata geu bloe bak sidroe ureung nyang publoe-publoe nyan di wilayah nyan. Jinoe pak Peulisi teungoh ji let ureung publoe.

Share this post