Seip Bereh Kira Ju, Na Nisa Sabyan Bak Festival Ushuluddin UIN Ar Raniry

Nasaja Berita – Banda Aceh, Nyan ban, areutih nasional kalinyoe di jak bak UIN Ar-Raniry jak meunyanyi bak acara festival Ushuluddin dan Filsafat IV.

Nyan bek bagah that glie neuh seubab na Nisa Sabyan. Bek eunteuk hana meupu sapu, ka neujak teunak mahasiswa UIN seubab ka mulai meunyanyi-meunyanyi. Seubab meunyoe Nisa Sabyan nyan, seulaweut-seulaweut dum ji khun keu lagu jih.

Nisa Sabyan rencana bak malam penutupan eunteuk, malam puncak keudeh bak tanggai 26 November, meunurot rencana bak geudong AAC Dayan Dawood seubab bak ji kira-kira le panitia, meunyoe bak UIN han let ureung. Geudong auditorium Ali Hasyimi hana can sagai untuk peuget acara rayek, pu lom na meunyanyi-meunyanyi. Meu masa Apa Raban jak meu'en-meu'en keunan awai watee Apachee pih hana pat dong dum ureung. Di luwa suah duek. Teuman meunyoe di luwa a duek, hana leumah ta kalon ureung ateuh panggong ken hanjeut keu raka'at.

Ken cuma awak Jawakarta lagee Nisa Sabyan Gambus nyan. Awak droe teuh Aceh pih teutap na sit. bang Rafly Kande siap that untuk tampil ka neu kira ju.

Sinoe neu baca pu geupeugah le Rektor UIN

Meunurot panitia, acara model nyoe peurle keu awak Ushuluddin seucara khusus dan mahasiswa pada umum jih. Seubab meunyoe Nisa Sabyan ngen Kande, ken jak kheun-kheun lagu hana meupu cap. Sinan le that nilai seni dan filosofi dari musik nyang meu islami neu kira ju.

Geupeugah le panitia dari DEMAF UF, peurle that dukungan keu acara model nyoe. Pu lom keu aneuk muda lagee mahasiswa mahasiswi nyoe. Supaya, hiburan beu na, peulajaran pih jeut ta cok. Syari'at Islam teutap jalan. Meuhan jadeh leumoh mental meunyoe na ide-ide kreatif model-model nyoe hana hana soe dukong.

Nyoe kalinyoe phon troh Nisa Sabyan u Aceh, dan juga lam kampus. Jadi peurle that untuk peu ek nan kampus UIN dan Ushuluddin dan Filsafat. Seubab lagee sang, hana meu geuteupu pih di ureung dum, na fakultas nyan, neu kira ju. That na teuh.

Kalinyoe keutua panitia, le adoe geutanyoe, Mutadar peugah nyang bahwa, acara penutupan, suah bayeu. Hana jeut ta peu pre. Seubab areutih nasional ta meuhei, lom pih bak geudong AAC lom, adak meu geudong aula droe teuh jeut hana bayeu. Teuman han lot ureung.

Jadi tiket na 3 boh kategori:
Keu mahasiswa yum tiket 55 ribe, keu ureung umum seulaen mahasiswa  85ribe. Nyang seuneulheuh nyan VIP 250 rie, seubab lheuh meureumpok snack, ie ngen kueh, na ji brie ajee kaos oblong lom dan jeut jak foto-foto ngen Nisa Sabyan atawa Rafly atawa teuku Mail ngen Ras taufik, nyan awak Aceh sit. That meusyuhu ka nan awak nyoe bak aneuk muda, nyang meu'en instagram atawa youtube neukira ju nah.

Teuman pat jeut ta cok tiket nyan? geu peugah le panitia, na bak Lee More Cafe, Solong Mini, Kacha Rayeuk, Zakir Kupi Darussalam, Channel Kupi, Horas Kupi Lamnyong, Kabuji Ulee Lheu, RZ Kupi Lamnyong, Universitas aleh fakultas Kopi Prada, hana get teuingat le Apa Raban, Mando Distro, Moorden Cafe, dan juga di Grapari Telkomsel.

Memang get that ji tu'oh di panitia neu kira ju. Tiket suah ta mita bak keudee kupi. Meu Aceh that-that laju nah, uroe malam beungoh supot ramee keude kupi seubab. Sit sinan meusapat ureung neu kira ju. Jadi ya harus ji manfa'atkan. Cok tabek bak Apa Raban ile silapeh.

Share this post