Sandiaga Uno Meukat Bhah Mou Helsinki Di Aceh
Nasaja Berita – Banda Aceh, Kiban bereh bang Sandiaga Salahuddin Uno neu kira ju. troh u Aceh, ji sambot le ureung get that leupah jai ramee bak bandara. Ji ba bak kuburan Iskandar Muda lom, ji paka duek ngen ulama lom, sampe jak sareng kupi bak Solong ulee kareng na. Meunyoe han neu pateh, siat teuk neu klik link nyang Apa Raban boh di baroh siat teuh. Ken baroh, tunong, barat timue. Nyoe baroh Aceh Rayek di miyub nah. Bek trok keunan hana meuphom, nyang na dawa hana meupu sa dum.
Lheuh geu jak rawon keunoe keudeh, sampe jak u Pasai Peunayong, geu meunjanji siploh juta sapoe keu ureung meukat di Pasai -aleh ek bit geu bie hom-, Sinoe neu klik neu kalon berita nyan.
Kalinyoe bang Sandi meujanji untuk peubereh MoU Helsinki ngen bhah Syari'at Islam di Aceh. Nyan bang Sandi peugah bak acara sabee droe badan pemenangan Prabowo-Sandi, di Lampriek, Banda Aceh.
Sinoe neu klik, that jai ureung jak sambot Sandi bak bandara
Sinoe neu klik, that jai ureung jak sambot Sandi bak bandara
Kop bereh neukira ju nah. kalinyoe ka na lom nyang meukat bhah MoU Helsinki di Aceh. That trep ka hana ta deungo. Awai asai na awak PA nyang ek caleg atawa bupati atawa gubernur, teutap UUPA ngen MoU Helsinki nyang ji meukat. Tapi ubee nyang ka ta kalon, sapu tan bereh kira ju. MoU keudroe, Helsinki keudroe, UU manteng sideh di pucok gu, PA manteng lagee haba itu.
Geupeugah le Bang Sandi, Aceh nyoe istimewa, adat budaya, sampe asoe pruet bumoe Aceh nyoe seip bereh kira ju. Nyan mandum harus jeut keu peunajoh ureung Aceh. Bek sampe ureung Aceh hana meuteume rasa hasil dari bumoe Aceh. Meunan leubeh kureung haba bang Sandi, meunyoe Apa Raban rawi bak keude kupi. Keu saheh ngen hana, bek neu kalon matan, tapi neu kalon makna manteng. Seubab Apa Raban ken Imum Bukhari, nyang ek rawi dum nan jai Hadih Nabi neukira.
Keu neupateh ngen han haba Apa Raban, nyan pulang pike bak ureung droeneuh nyang baca. Meunan sit keu haba bang Sandi. Nyan pulang pike bak droeneuh. Keu haba peuingat manteng, menyoe bhah MoU Helsinki, bek sampe ji teume pasoe ie lam punggong lagee nyang ka-ka. Aleh pu-pu dum ji meujanji masa kampanye, sijuta saboh KK, peu ek haji ureung Aceh ngen kapai. Abeh na teuh. Meu sikhan tan pat ta cok.
Target bang Sandi, Sikureung ploh persen suara keu Prabowo-Sandi. Lagee masa pak esBeye awai. Ukuran suah ikat awak dukong Jokowi bak uroe H, bah bek jeut i jak coblos Jokowi.
Nyoe pat na sit foto Sandi jak sareng kupi di Solong Ulee Kareng. Sinoe bak link nyoe neu klik, neu kalon foto. Ukuran meunyoe keu gaya, sang na meu 12 thon ka bak buet sareng-sareng kupi. Nyan dum bereh meunyoe keu gaya. Keu rasa kupi, hom aleh kiban. meu geujep keudroe geuh di bang Sandi. Meunyoe keu Apa Raban, pantang hana paih rasa kupi, langsg meujak woe, han Apa bayeu. Khak.
0 Response to "Sandiaga Uno Meukat Bhah Mou Helsinki Di Aceh"
Post a Comment