Ka Putoh Tutue Lom Di Meulaboh, Ka Na Buet Pemkab Lom
Nasaja Berita — Meulaboh, ka putoh tutue teungoh-teungoh malam di Meulaboh. Sit tok nyan tutue nyang peuhubong kecamatan Kaway XVI ngen kecamatan Pante Cermen. Tutue di gampong Sawang Teube. That na teuh musibah neu kira ju.
Meunurot info dari Pak Geuchiek gampong Sawang Teube, Zukbaili, sit rhet tutue lam krueng. Hai ken mandum, tapi memang na sebagian nyang rhet. Sekitar poh seuteungoh sa beuklam.
Geu peugah le Pak Geuchiek, bham sue ubee raya. Bak hie sang gara-gara raya that ie krueng. Kakeuh meuhamboe tutue.
Tok nyan sagai tutue untuk jak u Meulaboh. Laen hana cara, meunyoe ken suah puto gunong keudeh ta trön ret Nagan atawa ret Bubon, pokok jih jioh that harus jak puta haluan.
Nyoe ka lheuh geu lhat taloe kuneng, policeline meunyoe kheun awak barat. Supaya bek na le nyang lewat ureung. Seugolom jih memang ka mulai singet tutue nyan, teuman nyoe han keumah le. Ka rhet, ka longsor. Hana pat pakek le.
Nyankeuh meunan berita nyang Apa Raban baca beuklam sambelan nonton bola bak warong kupi, bah pih cuma meujep teh dingin.
Nasaja neukira ju, han ek ta tuleh berita. Han abeh-abeh. Teuman si ge-ge lagee haba nyan. Glak teuh bak ta tuleh, meunyoe tan manfa'at. Seubab lam basa Aceh, Apa Raban hana urusan jak copy-paste lagee buet mahasiswa peuget tugas kuliah neu kira ju. Mandum suah ta tuleh keudroe, lam basa indatu teuh. Keu sumber sabee ta tuleh. Kalinyoe bak beritakini ta cok.
0 Response to "Ka Putoh Tutue Lom Di Meulaboh, Ka Na Buet Pemkab Lom"
Post a Comment