Hansep Lagot Tiket, Nisa Sabyan Payah "Engkol" u Gampong

Nasaja Berita – Banda Aceh, That geu peh tem neukira ju, get that peudeh. Tiket ka bak jaroe, kalheuh ta manoe-manoe, minyeuk pr'et ka ta plee bak badan, ka tan jadeh acara dek Nisa Sabyan. Leupah peudeh neu kira ju.

Bunoe ji talipon le awak panitia ji yu tuleh berita mangat geuteupu le rakan-rakan, bek lheuh troh neukak ka tan Nisa Sabyan, jak peulheuh meuh'op keu panitia. Bek beh, sayang teuh, adoe teuh nyan ka saket ulee neu kira ju. Keuriteng oek bak ji pike. Hana cara. Ukuran meunyoe ji paksa acara, jadeh suah lieh tanoh cak. Kakeuh lagee haba nyan ju. Cok keputusan ngen resiko hana jadeh acara dek Nisa Sabyan.

Di dek Nisa Sabyan pih hana meu ta tu'oh peugah pih, get that meuhai eungkoh ta yu jak keunoe. Pu hana ji teupu that ramee fans jih sinoe di Aceh, ka ji preh-preh. Beuklam di Aceh Timue, han ek tajak. Jioh that, meuhai eungkoh moto. Ka kecewa aneuk muda. Apa Raban hana sie, ka tuha. Adak meu Marriam Bellina, nyan baro brat kecewa Apa. That na teuh.

Jadi teuman kiban cara nyang kalheuh bloe tiket? Apa Raban tanyong bak panitia. Ji peugah le panitia, kakeuh suah ta pulang peng dum. Peng gob, suah pulang, ban beurangkaban, pu beurangkapu teutap suah pulang. Cara ta mita, adak ta meuutang-meutuang. Nyan ban ji peugah le panitia silapeh.

Leubeh nibak nyan, panitia teungöh jipike kiban cara pulang, data nyang bloe tiket ka na mandum. Teuman teutap lagee haba itu ju nah.

Nyang-nyang kalheuh bloe tiket, neu talipon ju panitia, mangat meupat cok pulang peng. Tapi bek neu dhöt-dhöt, neu tanyöng beu get-get, neu saba-saba. Nyang peng ji pulang. Nyoe pat neu hubungi beh.

Mutadar (Ketua Panitia) 082273598153
Eric (Ketua DEMA) 082276768954

Nasaja neukiraju. That reulöh teuh. Nyoe Apa Raban ka rugoe manoe neu kira ju. Minyeuk pr'et meuhai lom ta boh bunoe. Adak meu minyeuk siploh ribe nyang ta pleu-pleu nyan, hana that weuh teuh.

Share this post