Haji Uma: Buleun 12 Ta Jak Cok Awak Aceh di Malaya
Nasaja Berita – Lhokseumawe, Kalinyoe ubee na awak DPD nyang get that leumah sit tok Haji Uma. Laen baro gabuk watee ka toe pemilu, bhah Wali Nanggroe baroesa. Di Haji Uma adak meunan-meunan, karap sabee na buet, jak puwoe-puwoe awak Aceh nyang ji drop le Polis Malaya gara-gara jak röt likot dum.
Bak Apa kalön lheuh keu Haji Uma. Aleh haba Teungku Kasem meukat ubat neukira ju.
Kalianyoe peut droe rencan keuneuk puwoe u nanggroe awak Aceh nyang ji drop di Malaya. Aminullah awak gamponh Mee Matang Panyang kecamatan Tanah Pasir, Musliadi awak Nisam, Aceh Utara. Na sit Diky Rahmadhani awak gampong Asan, kecamatan Madat, Aceh Timu. Sidroe teuk Zainal Ali. Nyoe hana meupat gampong lom, na nyang peugah awak Langkahan, Aceh Utara sit. Tapi watee geujak Haji Uma jak tanyöng bak geuchiek dan ureung gampong, ka kön lagee nyan. Hana awak gampong Langkahan nyang nan nyan. Jinoe Zainal Ali sideh lam penjara di Buket Jalil Malaya.
Lheuh geu cek le haji Uma bak Abu Saba seulaku ketua KANA (Keusatuan Aneuk Nanggroe Aceh) di Malaya, meunurot info awak nyoe sehat-sehat that mantöng, hana nyang jeut masalah. Meunyoe keu di cutiet si gö sapoe le Pulis Diraja Malaya nyan han jeut keu hai.
Haji Uma kalheuh jak uroh mandum pu-pu nyang peurle surat seugala macam. Bahkan kalinyoe haji Uma nyang tanggong, dua juta sapoe keu awak nyoe woe sideh. Nyang hana geutanggong ku Diky, seubab ka awai geu meuripee le keuluarga.
Alah na Abu Saba siurat teuk sideh di Malaya, nyan abeh geubantu awak nyoe sideh, ikhlaih hatee keu aneuk nanggroe, lillahi ta'ala. Meunan haba haji Uma.
Rencana buleun 12 nyoe kajeut ta puwoe. Dang-dang ta uroih ile bacut sapat teuk seubab meuhubong kaet ngön nanggroe gob sitka meunan. Meucawi'ek keunoe keudeh dum. Surat nyoe surat jeh. Kiban ta peugöt teuma, di awak tanyoe di jak u Malaya bek ta kheun Paspor ngen Visa, kadang meu KTP tan ji ba.
Awak migresyen Malaya nyan pih that keutat neu kira ju. That teuga ji ula-ilie bak rauh di Malaya jak mita ureung-ureung hana paspor. Ji drop ju, ji cuti'et sipat-sapat dum keu ubat.
Nyoe Apa Raban tuleh berita nyoe, hana geubayeu le haji Uma beh. Ikhlaih that bak Apa tuleh. Meu geuturie teuh tan le haji Uma. Teuman meunyoe geu bayeu, Apa tueng sit, hai raseuki nah. Kadang seip keu ta bloe talo ngön keurtaih layang, ta lhat lam blang mangat bek ji peutoe le tulo. Khak.
Berita nyoe ApaRaban baca baroe bak dialeksis.com ngen rri.co.id. Nyan dialeksis nan situs berita, ke di Aleksis ata awak Jawakarta jeh. Bek sampe troh keunan salah surah, that na teuh, nasaja neukira ju.
Kalianyoe peut droe rencan keuneuk puwoe u nanggroe awak Aceh nyang ji drop di Malaya. Aminullah awak gamponh Mee Matang Panyang kecamatan Tanah Pasir, Musliadi awak Nisam, Aceh Utara. Na sit Diky Rahmadhani awak gampong Asan, kecamatan Madat, Aceh Timu. Sidroe teuk Zainal Ali. Nyoe hana meupat gampong lom, na nyang peugah awak Langkahan, Aceh Utara sit. Tapi watee geujak Haji Uma jak tanyöng bak geuchiek dan ureung gampong, ka kön lagee nyan. Hana awak gampong Langkahan nyang nan nyan. Jinoe Zainal Ali sideh lam penjara di Buket Jalil Malaya.
Lheuh geu cek le haji Uma bak Abu Saba seulaku ketua KANA (Keusatuan Aneuk Nanggroe Aceh) di Malaya, meunurot info awak nyoe sehat-sehat that mantöng, hana nyang jeut masalah. Meunyoe keu di cutiet si gö sapoe le Pulis Diraja Malaya nyan han jeut keu hai.
Haji Uma kalheuh jak uroh mandum pu-pu nyang peurle surat seugala macam. Bahkan kalinyoe haji Uma nyang tanggong, dua juta sapoe keu awak nyoe woe sideh. Nyang hana geutanggong ku Diky, seubab ka awai geu meuripee le keuluarga.
Alah na Abu Saba siurat teuk sideh di Malaya, nyan abeh geubantu awak nyoe sideh, ikhlaih hatee keu aneuk nanggroe, lillahi ta'ala. Meunan haba haji Uma.
Rencana buleun 12 nyoe kajeut ta puwoe. Dang-dang ta uroih ile bacut sapat teuk seubab meuhubong kaet ngön nanggroe gob sitka meunan. Meucawi'ek keunoe keudeh dum. Surat nyoe surat jeh. Kiban ta peugöt teuma, di awak tanyoe di jak u Malaya bek ta kheun Paspor ngen Visa, kadang meu KTP tan ji ba.
Awak migresyen Malaya nyan pih that keutat neu kira ju. That teuga ji ula-ilie bak rauh di Malaya jak mita ureung-ureung hana paspor. Ji drop ju, ji cuti'et sipat-sapat dum keu ubat.
Nyoe Apa Raban tuleh berita nyoe, hana geubayeu le haji Uma beh. Ikhlaih that bak Apa tuleh. Meu geuturie teuh tan le haji Uma. Teuman meunyoe geu bayeu, Apa tueng sit, hai raseuki nah. Kadang seip keu ta bloe talo ngön keurtaih layang, ta lhat lam blang mangat bek ji peutoe le tulo. Khak.
Berita nyoe ApaRaban baca baroe bak dialeksis.com ngen rri.co.id. Nyan dialeksis nan situs berita, ke di Aleksis ata awak Jawakarta jeh. Bek sampe troh keunan salah surah, that na teuh, nasaja neukira ju.
0 Response to "Haji Uma: Buleun 12 Ta Jak Cok Awak Aceh di Malaya"
Post a Comment