Abu MUDI : Ulama Aswaja Keuh Nyang Tham Paham Radikal
Nasaja Berita – Banda Aceh, Acara Mubes HUDA nyang ke lhee, lam thon nyoe akan geupileh ketua baro, nyang akan pimpin saboh organisasi bagi Ulama-ulama dayah nyang na di Aceh. Kalinyoe neu cok teumpat di hotel Grand Aceh Syari'ah.
Lam kata sambutan dari ketua saat nyoe, nyakni Syeikh Teungku Haji Hasanoel Basry, atawa nyang tanyoe turi deungön nan gelaran Abu Mudi di Samalanga neupeugah nyang bahwa nyoe peran ulama rayek that lam masyarakat. Mulai dari lam dayah sampoe troh u luwa dayah.
Pu lom lawet nyoe ka seureng that ta deungö teuntang radikalisme, maka ulama lah nyang harus teugah pemikiran model-model nyan. Meulalui beut-nebubeut. Ahlussunnah wal Jama'ah nakeuh saboh firqah nyang paleng jroeh. Washatiah atawa moderat. Nyang meudukong buet get dan juga meutham buet broek deungön cara-cara nyang get.
Abu juga neu sampaikan nyang bahwa, peurle beu terlibat Ulama lam pemerintahan, lam artian untuk rumuskan bhah-bhah peukara kemasyarakatan. Deungön tujuan, supaya masyarakat nyoe bek jioh dari ilme dan nilai-nilai agama.
Teuman di Pak Nova nyang na hadir lam pembukaan seulaku Plt Gubernur Aceh seunang that deungön masukan dari Abu. Bahkan Pak Nova neulake dari ulama-ulama nyoe supaya beu geu kritik buet nyang ji pubuet le pemerintah, watee salah. Dan ken cuma watee salah. Seugolom salah beu neutem bantu. Meunan haba Pak Nova.
Nyoe HUDA ka ji tamöng periode keu lhee. Maka rencana eunteuk malam (malam senin) akan neu pileh keu soe pimpinan akan neu peujok lam musyawarah sesama droe para ulama dayah.
Ta meudoa bak Poe teuh Allah ta'ala nyang bahwa beu jroeh sabe para ulama, beu neumeusaboh sabee bek sampe meu cre bre. Sit sinan teuk labang donya. Meunyoe ulama ka hana meusaboh. Teuman kamoe umat, lagee-lagee Apa Raban nyang buet siuroe-uroe jak u blang, han meu ta tu'oh peugah pih. Na can neu lungkop donya le Poe, hana soe bina umat.
Keu rakan nyang baca nyoe, kajeut peutoe ulama. Bek jak peutimang eumbong ,hana meupu cap. Keumah ujong.
0 Response to "Abu MUDI : Ulama Aswaja Keuh Nyang Tham Paham Radikal"
Post a Comment