Rocky: Nyang Hana Galak Keu Wali Nanggroe Hana Galak Aceh Damee
Nasaja Berita — Idi Rayek, Gara-gara teuga that ji pot haba bhah gantoe Wali Nanggroe sampe 'an haba yu hapoih Lembaga Wali Nanggroe dari tokoh-tokoh Aceh lagee cuntoh jih Tgk Ghazali Abbas Adan, anggota DPD-RI asai Pidie, kali nyoe Rocky Aceh Timu pih geu tem meu abeh. Geupeugah sampe darah penghabisan. Ka lagee awak maen tinju jeh, Khabib Numedov (hana Apa tu'oh meu kheun pih nan awak luwa nanggroe).
Meunyoe baroesa phon that meusue, nakeuh Fachrul Razi nyang rakan Tgk Ghazali Abbas Adan bak DPD-RI.
Kalinyoe Bupati Aceh Timu, Teungku Haji Hasballah. M.Thaib, SH seulaku mantan GAM rayeuk wilayah Peureulak awai. Teuman nan beliau nyan nyang ji thee leupah na Rocky. Tapi nyoe ken Rocky Gerung bak ILC beh. Nyoe Rocky droe teuh, aslang bari, asli barang, awak lam prang.
Geupeugah le Teungku Rocky nyoe, soe beurangkaso ji pasoe asoe u dalam asoe, singoh uroe dudoe geupasoe busoe lam asoe droe. Alah teuh, keupu keunan ji woe. Ken nyan. Atra nah, hana meuhoe-hoe teuingat teuh.
Nyang beutoi geu peugah le Teungku Rocky, Soe nyang hana seunang ngen Lembaga Wali Nanggroe atawa jak yu hapoih nyan beurarti awak hana galak keu damee Aceh. Pu lom, Lembaga Wali Nanggroe nyan nakeuh hasee dari perjuangan GAM awai".
Lom pih beu neu teupu hai rakan meutuwah, kheun Tgk Rocky, "Nyan Lembaga Wali Nanggroe ata awak Aceh, ken ata kelompok GAM. Beu bangga neuh bacut."
Jadi bagi Tgk Rocky, aneh meunyoe na awk Aceh di Jawakarta hana seunang keu Lembaga Wali Nanggroe, padahai nah awak Pusat kop brat kira ju ji hargai Lembaga Wali Nanggroe nyang na di Aceh. Teuma ken saket dum uteung tanyoe. Meunan lah basa jih kira-kira.
Jadi Tgk Rocky seulaku mantan GAM akan geu meudöng abeh keu, untuk meuglöng gaki peutheun Lembaga Wali Nanggroe.
Nyan berita bak Klikkabar Apa Raban cok nyoepat.
Nyan berita bak Klikkabar Apa Raban cok nyoepat.
Teuman meunyoe abeh keu geu döng Tgk Rocky, pat geu keuneuk döng Abangda Fachrul lon..? Hai nyan nyang Apa pike, awak droeneuh nyang baca bek that neupike nyan. Nasaja neukira ju awak tanyoe. Sabee-sabee droe meupake saja. Asai nyang bek karu, pake ju ubee ek.
0 Response to "Rocky: Nyang Hana Galak Keu Wali Nanggroe Hana Galak Aceh Damee"
Post a Comment