Pu Bhah, Ka Mulai Pakat 2019 Gantoe Wali Nanggroe Aceh
Nasaja Berita - Banda Aceh, Nyoe ka gura hana saka neu kira ju, kali nyoe. Gob dum teungoh heboh ngen 2019 Gantoe Presiden, nyoe di Aceh ka ji peuget karu deungon 2019 Gantoe Wali Nanggroe.
Haekal Afifa selaku sidroe aktivis yang that lantang bak ji meusue untuk urusan ke-Aceh-an kalinyoe jitawarkan keu masyarakat, supaya pakat ganto Wali Nanggroe Aceh saat nyoe, yaitu Paduka Yang Mulia Teungku Malek Mahmud Al Haytar. Memang sampe 'an saat nyoe, hana leumah lom fungsi droeneuh Wali Nanggroe nyan lam masyarakat. Seulaen ka na leumbaga Wali Nanggroe dan Meuligo nyang that ceudah lagi raya sideh di daerah Lampeuneurut.
Haekal ken ji pakat untuk peu gadeh lembaga Wali, tapi gantoe wali, seubab hana kontribusi sapu lom keu Aceh. Meunan meunnurot haba nyang ji peutrang le Haekal seulaku aktivis kebudayaan dan juga sidroe ureung nyang that meucanang Tiroisme.
Teuman meunyoe ka meu soe soe Haekal nyan, yan hanjeut ta kheun le aneuk manyak baroesa. Seulaku droeneuh Haekal nyan ureung nyang that ji boh yum kiban ideologi Tiroisme lam hai urusan perjuangan Aceh Merdeka dile. Bahkan na kelas khusus ji peuget keu padum-padum droe aktivis untuk kaji kiban Tiroisme nyan. Yaitu ideologi perjuangan nyang geubangun Wali Neugara nibak masa konflik dile Tgk. Muhammad Hasan Di Tiro, nyakni cucoe dari Tgk. Chik Di Tiro.
Teuman meunoe, untuk gantoe Wai Nanggroe nyan ken lagee buet pileh Guernur atawa Presiden, lam pemilu atawa Pilpres atawa Pilkada, Tapi nyan mandum melalui lembaga peutuha peut.
Teuman ngen soe ta gantoe? Meunurot Haekal, na padum-padum droe nan nyang bak geu kira le beliau nyan layak untuk gantoe. Keu soe, eunteuk jeut ta jok rekomendasi bak Peutuha Peut. Nyang inti jih 2019 Wali Naggroe harus teuganto.
Nyan ban Apa Raban kalon berita bak Liputanaceh lam padum uroe nyoe.
Nyoe baro leumah lom Apa Raban lam Nasajaberita.com neu kira ju. Sibok that meu lhob ie lueng lawet nyoe,
0 Response to "Pu Bhah, Ka Mulai Pakat 2019 Gantoe Wali Nanggroe Aceh"
Post a Comment