MALAM NYOE BANDA ACEH PUNOH NGÖN BEUT SAJAN ULAMA
Nasaja Berita - Banda Aceh, Nyang haba mameh keu rakan-rakan nasaja berita nyang na di sekitaran Banda Aceh - Aceh Rayek. Eunteuk malam rayek that neu beut di Banda Aceh sajan ulama-ulama rayek nyang asli Aceh.
Beut tastafi sajan Abu Mudi biasa jih memang na tiep awai buleun malam Sabtu, nibak minggu phon awai buleun. Teuma kalinyoe droeneuh Abu hanjeut neu hadir meuseubab nyang hana ta teupu lom. Maka dari nyan, neu ganto le Teungku Muhammad Yusuf Abdul Wahab atawa Ayah Jeunieb atawa nyang tanyoe turie deungon nan Ayah Sop atawa Tu Sop.
Beut Tastafi na di Seumijid Raya Baiturrahman Banda Aceh. Pu teuman Tastafi nyan? Tastafi nyan nakeuh singkatan dari beut Tasawuf, Tauhid dan Fikah.
Meuseubab lam visi Abu Mudi, beut nyan memang harus na man lhee boh peukara, dan han jeut ta peu pisah-pisah. Tauhid, Fikih, Tasawuf nyan keuh 'ileume lam Islam nyang haroh ta kuasai le geutanyoe umat.
Teuman ken nyan manteng. Meunyoe lheuh Isya sideh di seumijid Raya, na nyang awai lheuh Magreb di Seumijid Oman, Lampriek. Nyan pih beurteh hayeu. Ken ureung cilet-cilet nyang seumeubeut.
Teungku DR. Amri Fatmi Anziz, Lc, MA. Ubee na gelar na Azhar ka neu cok le beliau. Dari S1 sideh di Meuse/ Mesir sampoe 'an S3. Geucok jurusan Aqidah Filsafat. Jadi meunyoe keu bhah tauhid sit ka beliau nyan pakar. Beliau nyoe ureung Sigli, Pidie. Nyan neu kalon, kiban seunang dan bangga jeut keu ureung Sigli bak ka na sidroe ulama hayeu lulosan lua nanggroe. Meu poe-poe aneuk ek jak sikula dan jak beut di Meuse dari S1 sampe S3.
Beut tauhid deungon gaya kuliah, sit cocok that keu aneuk muda dan ureung-ureung kota. Tauhid nyang geu peurnoe, hana beda ngen Tauhid geutanyoe bak dayah-dayah. Tauhid nyang geu peurapi le Imum Asy'ari dan Imum Maturidi. Mulai dari Sifeut Dua Ploh, I'tikeud Limong Ploh dan sampe 'an I'tikeud Tujoh Ploh.
Kiban beuruntong ureung Aceh umum jih, dan ureung Banda Aceh khusus jih malam nyoe. Lheuh neu seumanyang bak Seumijid Oman nyang rap kanto gubernur nyan, neu gah ju keudeh u Seumijid raya, ta sambong beut. Pajan sit lom.
Nasaja Berita. Neujak nyan. Meunyoe keuneuk meuturie ngen Apa Raban, na Apa Raban lam jama'ah insyaAllah eunteuk malam.
0 Response to "MALAM NYOE BANDA ACEH PUNOH NGÖN BEUT SAJAN ULAMA "
Post a Comment